مصاب صبرك يكرار (مكتوبة) - باسم الكربلائي

 

 

مُصاب ... صَبْرك يكرار

وصّى رسول الله علـي بهاي الوصيّه
صبرك يبن عمّي على امصاب الزچيّه
أمر الله جلّت قُـــدرته تشــوف الرزيّه
أحچيلك وإنته استمع من عندي الأخبار
مُصاب ... صَبْرك يكرار

أرحل عليكم والحقد يــبــدي والأسباب
بغضاً إلك والفاطمـــه والنســل الأطياب
والوادم التنگل حــطــب يــم عتبة الباب
آني خصمهم بالحشر والنار بالنار
مُصاب ... صَبْرك يكرار

تصبر يحيدر لو على الزهره يهجمون
ربنا الرقــيــــب ويعلم بكل اليخونون
هذا قدرته الينـكـتــب لا تسأل إشلون
كل عترتي يابه الحـــســن تاذيهه الأشرار
مُصاب ... صَبْرك يكرار

لمّن تشاهد فاطمـــه يجـري دمعهه
جائز مَـتگدر يا علي تشرح وضعهه
أول وتالي تكتشـــف كسرة ضلعهه
وطيحت جنين بلا ذنب ويصيبه بسمار
مُصاب ... صَبْرك يكرار

هـــاي الرزيّــه يا علي وإتصــوّر الحال
صبرك يمن بيك الصبر يضربهه الأمثال
أهل السقيفه بهالفـعــل ما ظنهم إرجال
اليضربله حُرمه مو شهم وإعله الزلم عار
مُصاب ... صَبْرك يكرار

اليتجــسّــر ويسطـر مَــرَه هــاي إشكُبرهه
ويعرفني أبوهه وما حفظ حرمه وسُطرهه
واعله الجدار بلا خــجــل يــبــدي بعَصُرهه
ملعون دنيه وآخره ومو من الأحرار
مُصاب ... صَبْرك يكرار

عندك وصيه يا علي ومن هسه معذور
أدريك لو عـــنــــدك أمر يا حيدر تـثـور
يم باب بنــتـي فاطـــمــه تتگطع إنحور
يا زلمه يوصل لو شلت بيدك الفقّار
مُصاب ... صَبْرك يكرار

حجاباج
لسان المصطفى طه .. حجاباج
وعن اعداج ذوله احنه .. حجاباج
السمه واتادها يطيحن سويه

حجابي
وعلي لو سامعج صحتي .. حجابي
يحجبج بالسمه حامي الحميه

 

للشاعر : عمار هليل الواسطي