صوت ابليس (مكتوبة) - باسم الكربلائي

 

 

صوت إبليس
يهمس والمسامع مو نقيه
صوت إبليس
نثأر من محمد بالزجيه
ونرجع هبل .. ضد خير العمل
صوت إبليس

أخذ بيدي خيالي أو دمعتي معبد
إلى أرض الحدث. وتوضح المشهد
الوقت جان الضحه بس الضحه الأسود
سُحب دخان لطراف السمه تصعد
والتاريخ
أصغر من حجم هاي الجريمه
والتاريخ
يعجز عن وصف دمع اليتيمه
أرباب الجهل .. ضد خير العمل
صوت ابليس

كلام إبليس نافذ والصنم أعمه
صعد صوت الطبول اِو طاحت الذمه
عليمن هالحرب والناس مهتمه
ثلث مية شخص هجموا على حرمه
والألقاب
أشباه الزلم لا مو كفايه
والألقاب
بل شبه النسه اْو عدهم لحايه
كل هذا انقبل ..ضد خير العمل
صوت ابليس

لثارات بدر من صاحت الزمره
واشوف ابليس قاد الهجمة الكبرى
علي إخرجْ و إلا نقتل الزهره
شرارة انقلاب العصره و السطره
سطرة ثار
خل حمزه يجي ينظر لخدها
سطرة ثار
ونگله استطاعينه نردها
والثار انتقل .. ضد خير العمل
صوت ابليس

أباوع للمصاب أو أنظر الأصعب
بشر تلعب بشر تنهب بشر تنسب
جرح شيب جرح يصعب جرح يلهب
دمع يشرب دمع ينصب دمع أذنب
لا مو ناس
ما اميز شكلها من فعلها
لا موناس
ماتعرف عملها من عمى الها
والأسوء حصل .. ضد خير العمل
صوت ابليس

شفت دمع النجاح او ضحكة الفاشل
شفت رب البلاغه إيجادله الجاهل
شفت أم السلام إتواجه القاتل
شفت حق الإله ابولية الباطل
اشلون ايصير
و نساوي الثرى وي الثريه
اشلون ايصير
ونقارن هند وي الزجيه
ضوضاء او جدل .. ضد خير العمل
صوت ابليس

علي مغضب طلع لكن صبر ينزف
عرفهم مو صحابه أو لا أهل موقف
ولا بيهم غيور أو ناصح أو منصف
تره الميت ضميره يعرف أو يحرف
يا كرار
بيدك سيفك او بيدك وصيه
يا كرار
و اصعب من ابن ود القضيه
شر الشر حمل.. ضد خير العمل
صوت ابليس

رجع بيه الخيال او يلهج إلساني
انادي يالزجيه و العن الجاني
أشاهد باب بيتي او تبدأ أحزاني
كرهت الباب كد ما أكره الثاني
وصمة عار
ماكول البعض لا والله كلهم
وصمة عار
يارب فاطمه اكطع نسلهم
والظل لا يزل .. ضد خير العمل
صوت إبليس

وشوف الواقع الحالي وضع يرهب
أكو ضد المآتم كم شرك ينصب
أكو يتظاهر ايحب لاكن ايكذب
أكو يقتل ألف زهره لجل منصب
عدنه أقلام
ما جمعت ورد جمعت حطبها
عدنه أقلام
عالخادم تصب جمرة غضبها
يبحث عن خلل .. ضد خير العمل
صوت ابليس

 

للشاعر : السيد عبد الخالق المحنه