ويه الرماد (مكتوبة) - باسم الكربلائي

 

 

وي الرماد العالأرض وصية
من دمه خطها المحسن لرقية

انا العالكسر ضلع أم الحسن شاهد
مثلج من وكت بالموت متواعد
أريد أوصيج ما دام الجرح واحد
انا بضلع أمي و انتي بمنحر الوالد
شمي لي نحره بساعة المنية
من دمه خطها المحسن لرقية

أوصيج بمهابة فاطمة الزهراء
ما تقبل تشوفج يوم منكسرة
إنهضي بيا علي لو طحتي عالجمرة
هم الأسرى و انتي الثائرة الحرة
حتى بدمعتج صيري رافضية
من دمه خطها المحسن لرقية

إذا شفتي الرماد بكربلاء ابتسمي
قلي له هلا يالجفنت عمي
دخان الخيم بالأصل من يمي
حتى رمادهن بي ريحة من دمي
جوياته أثرهن بيج و بيديه
من دمه خطها المحسن لرقية

شما سَلِّبَوا منج بالحرب صِبري
قبل لا شم هوى الله سَلِّبَوا عمري
مثل حسين داسوا بالجذع صدري
والمسمار طالع شفته من ظهري
عالعتبة صارت عندنا غاضرية
من دمه خطها المحسن لرقية

إطلعي عالهزل مو مشكلة الطلعة
بكل موقف نحضرج انا و البضعة
سَجّانِج جبان يخاف من دمعة
شما يقوة الظلام تشتته الشمعة
طفلة و دمعتج رَجِّفَت أُمَيَّة
من دمه خطها المحسن لرقية

باب الضوه للعالم .. وناراه
لذت ما بين بسماره .. وناراه
عصروني وگع طفلي .. وناراه
طير ورفرف ابساعة منيه

صباح اليوم ابد مو مثل .. عصره
العبد ينتهك حرمة ملك .. عصره
دفع بابي وعصرني شلون .. عصره
ذبح طفلي وكسر ضلعين بيّه

انا التاريخكم قصتي .. سطرها
دهاك الكوثر واقراه .. سطرها
من الشال ايده وعيوني .. سطرها
ابو الذابح طفل بالغاضرية

 

للشاعر : دكتور فراس الصافي