لا تيأسوا من رحمة الله (مكتوبة) - باسم الكربلائي

 

 

مهدينه .. گلبه ابعزاء الزهره نلگاه ‏
ينادينه .. (لا تَيأسَوا مِنْ رَحْمَةِ اللهْ)‏

شايلنه عطفه شگد رحب صدره ‏
من فدوه رحنه الگلبه والعمره
اينادي اليجي يعزيه بالعبره
اهلا وسهلا خادم الزهره
يحاجينه .. يا محلى والله الگعده وياه ‏
ينادينه .. (لا تَيأسَوا مِنْ رَحْمَةِ اللهْ)‏

يا هو اليجي للمجلس ايكتبه
بسم الزجية الله غفر ذنبه
بالمجلس يطش عالخدم حبه
مو بالعزه نحس نلطم بگلبه
يلاگينه .. والشيب تارس وجهه شفناه
ينادينه .. (لا تَيأسَوا مِنْ رَحْمَةِ اللهْ)‏

كلنه نطيح دموع گدامه
لو ذب على امه الزهره العمامه
عدنه بخت لو عشنه ايامه
هوه الامير واحنه خدامه
من عينه .. ما طحنه من اسمه رفعناه
ينادينه .. (لا تَيأسَوا مِنْ رَحْمَةِ اللهْ)‏

بالمجلس اول ما حجه انسمعه
يا ربي العن قاتل البضعه
حمره بعيونه لو بجه الدمعه
ما يلطم ابصدره على ضلعه ‏
بونينه .. صوت الضلع من طگ سمعناه
ينادينه .. (لا تَيأسَوا مِنْ رَحْمَةِ اللهْ)‏

يوميه صفحه اوياه خل نبدي
وماي العيون لشوفته نبدي
لو ما وگفناله شنو اليجدي
صعبة علينه يزعل المهدي ‏
يحمينه .. من شافنه لا ما نسيناه
ينادينه .. (لا تَيأسَوا مِنْ رَحْمَةِ اللهْ)‏

يوزع علينه رحمة عيونه ‏
وبثوب الاسود من يشوفونه
واضح عشگنه الكل يعرفونه
خدام ابو صالح يسمونه ‏
يدرينه .. گد هالاسم لا ما خذلناه
ينادينه .. (لا تَيأسَوا مِنْ رَحْمَةِ اللهْ)‏

للشاعر : حاتم صبري الكاظمي