من غايب لغايب سلام (مكتوبة) - باسم الكربلائي

 

 

من غايب لغايب سلام
نسمع حجي قبر وامام
غيبه بحزن غيبه بظلام

كبر الزهره غايب وانته غايب
يالبيناتكم فترة مصايب
واحد صار عالثاني يعاتب
والزهراء تسمع بالترايب
رايح ابو صالح يزور
شفته انحنه نور اعله نور
بالفاطميه شكد كلام

كبر الزهره يحجي اترابه احمر
اذكر من حفرني بيده حيدر
من شاف الكسر وجهه تغير
الحير مرحب كباله تحير
وصاني بالزهره الامير
لا تلچم الضلع الكسير
من شفته ما شاف المنام

فتره لن بقيت بحزني مهجور
بالكوفه علي و محّد ايزور
واجاني الوحي بليلة قدر مكسور
يزهره عفت حيدر هسه مطبور
من فاطمه اسمع بكاء
وبداخلي نصبت عزاء
كل عام اشد من ثاني عام

زياره تختلف عن البقيه
اجتني زينب بوحّدها اليه
عرفت من الشكل جانت سبيه
تكلهه يمه دم ابنج بديه
واتعجبت كافلهه وين!
وما تمشي من غير الحسين
اخوتها وياهه خيام

رد المهدي والحسرات تشهك
كبر الزهره كونك رايد الحك
جدي علي شاف الجفن ازرك
إنه كل يوم اشوف الزهره تنطك
ما غمضّت بعيوني باب
بالعصره افكر والحجاب
لا ساده تصبر لا عوام

مثل جدي علي سكته اعله حيره
الوصيه تشبه الغيبه الجبيره
الفگد واحد تضل روحه اسيره
وإنه بظهريه ذبحولي عشيره
محد عرفني شكد بچيت
يا ذكره ؟ وآنه ما نسيت
يا كبر ما صار المرام

يكبر ام الحسن ادعيلي ارجع
واظل ادعيلك بكل يوم تطلع
وابني مرقدك والناس تفزع
ومثل وجه ابو فاضل صحن يسطع
خليني ابشرك بالظهور
خدامنه بصحنك تزور
وتحيي شعائرها العظام

للشاعر : حمزة السماوي