عباس أبشرك (مكتوبة) - باسم الكربلائي

 

 

عباس ابشرك جـودك يـوزع ماي
بين المـواكب واليـزورك مشـاي
أذكر حسين العطشــان .. وإلعن يزيد الخســران
عباس ابشرك .. عباس ابشرك

عباس ابشرك من طحت ضلت ترف الرايه
بيد الغيارى ترتفع وبهمة الوفايه
حتى النهر من الأسف فاض ويوزع مايه
بالطف ألا من ناصرٍ هايه اثمرت مشايه

صارت دفنتك عالجرف افهم هاي
حتى العطاشى ترتوي يارواي

چن صوتك انسمعه الآن ... إلعن يزيد الخسران
عباس ابشرك .. عباس ابشرك

هاي الدموع الـ عالنهر كل دمعه صارت فارس
صاح ابشهامه الرافضي دون الحراير حارس
تظهر جنونه من يحب صاحب مهارة ودارس
من مدرسة عابس طلع شاطر يمثل عابس

عباس ابشرك اثمرت هالچفين
طلعت مناحر تنذبح لجل حسين

هذا اليحبكم ربحان .. إلعن يزيد الخسران
عباس ابشرك .. عباس ابشرك

هاي الجثث مو بالترّب بل بالورد غطوها
جفت تره من العطش ابماي النهر رشوها
الف وتسعمية جرح مو سهله وتدفنوها
جرح الخيم جرح السبي جرح الذي سلبوها

هاي الجروح اتحولت قادة وسيف
أهل المراجل والحرب عدهم كيف

يحيا حشدنا الشجعان .. إلعن يزيد الخسران
عباس ابشرك .. عباس ابشرك

حال الغيور الينكسر يسمع ضحك شماته
حال العليل الماگدر يحمي خدر عماته
سبعين الف سيف ورمح وهوه بطرگ عصاته
من المدينة لكربلا نسمع ترا حسراته

ميت احسبك لو حياتك تابوت
واليدفن احزام الظهر حگه ايموت

من تنهضم يادفان .. إلعن يزيد الخسران
عباس ابشرك .. عباس ابشرك

ضامي الطفل من يندفن مدري اشيگول اترابه
مدري شيگول الضل عدل يحفر قبور احبابه
حال اليعيش ابحسرته ضل يحسب الغيابه
كون انعمت عين الوكت راح الصدگ واصحابه

بضلوعي خنجر من حده حادي العيس
بعيوني شمعه تشتعل للعريس

ها يالدفنت الشبان .. إلعن يزيد الخسران
عباس ابشرك .. عباس ابشرك

لو زينب ابيوم الدفن موجوده ماتحملها
بس العليل ابيا گبر لو ماتت اينزلها
حتمًا تموت اعله النهر حزن الأخو يكتلها
آخر كلام اعله النهر من زينب لكافلها

اصبح قريباً نلتقي يالمنحور
إحسبها من هسة سنة وست اشهور

نتلاگه وبلا أحزان .. إلعن يزيد الخسران
عباس ابشرك .. عباس ابشرك

هاي الملايين التجي بالفزعة من يلزمها
حتمًا تمنت بت علي هاي الغيـارى يمها
تتمنى وي حرگ الخيم تركض تطفي اخيمها
واتگطع اچفوف الذي ابسوط الحقد ألمها

ياويلي زينب حايره وين اتروح
لا عدها والي والتكفل مذبـوح

اذكر فرار النسوان .. إلعن يزيد الخسران
عباس ابشرك .. عباس ابشرك

والرايد ايصون الوطن لازم يضـحي ابغالي
لولا الدماء الطاهرة ماتلگه بـيرغ عالي
يبقى الشهيد ابكل زمن قائد شرف يبرالي
حريه ماكو ابلا دمه ادري للفخر للتالي

ترسم دمائه خارطه لـلأجيال
يزرع كرامة في زمن بي إذلال

من تلگه شر بالبلدان .. إلعن يزيد الخسران
عباس ابشرك .. عباس ابشرك

للشاعر : السيد عبدالخالق المحنة