هان العرس (مكتوبة) - باسم الكربلائي
منذ ٩ أشهر١٠٣مشاهده|1
لطمية هان العرس مكتوبة
الرادود باسم الكربلائي
هان العرس بعيوني يا عمه
حنة اليعشگ كربله دمه
هذا مضمون الغرام الأزلي
ذبحي يرفع هامتي وهامة هلي
حب علي العيشني نعمة كربلاء
وانا راح اتبع ضريبة حب علي
خليها فوگي الخيل ملتمه
حنة اليعشگ كربله دمه
والله مو اني الأميل ويه اليميل
انا جسام الثگيل ابن الثگيل
ما الهن ثالث مفاهيم السباع
لو اصح چتال لو اوگع چتيل
مو طبع اليساوم عطش عمه
حنة اليعشگ كربله دمه
الموت ما اخافه اذا عالموت افوت
زلمه واندل المچان البي اموت
انا شايل من ملامح ذو الفقار
وهمه اوهن من بيوت العنكبوت
بس للحسين جروحي مهتمة
حنة اليعشگ كربله دمه
چفي ناعم لاچن يشيلولي هم
الريشه ريشه وهي التگود السهم
شنو حنه وشنو زفه وشنهو ماي
سالفة عاشر محرم كلها دم
ثامن محرم بسمي يتسمه
حنة اليعشگ كربله دمه
بهيدة خطواتي مثل ركض الحلم
شاب بس سوالفي تسكت الزلم
انثلم مرات بس يكمل ضواي
الگمر يرجع يكمل شما ينثلم
گيعان همه واني عالقمه
حنة اليعشگ كربله دمه
زلمة نشمي وما نطيت الدنيه عين
ابن صياد وأعرف الصيده وين
مو مهم الناس تسمع صوتي دام
سمع الله لمن حب الحسين
المو يم حبيبي بالي مو يمه
حنة اليعشگ كربله دمه
انا ثابت ما يغير گلبي راي
برمشة العباس اتنفس هواي
واليتيهني لا يسأل عني وين
فوگ نيران الخيم يلگاني ماي
واليندب اسمي يختفي همه
حنة اليعشگ كربله دمه
التعلیقات