جمعتهن (مكتوبة) - باسم الكربلائي

 

 

جمعتهن طفله طفله التمن بحضني
وقربتهن مثل دمعي العايش بجفني
للسبايا انا خيمة للسبايا

بين المهن بين اروح لمذبح اخواني
واشتكي لحسين ضيمي وظلم عدواني
شفت موقف فوگ دمعي ادموم بچاني
سيف ابو فاضل سئلني وين ذرعاني
گتله طاحن ماندلهن ياكتر طاحن
يمكن يدورن رقية للخيم راحن
لو مشن جابن اسكينه من الضحايا
للسبايا انا خيمة للسبايه

گوة جمعت اليتامة ودمعتي اتناطر
ومن شلتهم شفت بيهم چم اثر حافر
مدري اعالج جرح خوله والگلب حاير
مدري اطفي النار بس لا توصل الباقر
والله حيرة النار وصلت دمع الـ بخدي
لاكمر لا خيمه بالطف بس انا لوحدي
وتشبه الدخان بالطف النوايا
للسبايا انا خيمه للسبايه

وي حميدة شرد اسوي الله يساعدها
طفله ولهل ساعة تسال وين والدها
تبعد اعلى احضاني لاكن لهفتي تردها
كمت ارش بدموع عيني بلكي ابردها
بيا رماد ايتام اخوتي تمسح الدمعة
وشيصبرة الشاف امامه ينسحك ضلعه
والضعن قران حرگوة ايه ايه
للسبايا انا خيمة للسبايا

بس عليل وباقي ضعني من الاهل خالي
وانتم اخر ذكرى عندي من الاخو الغالي
خاف رمح الشمس يعلى لوذو بخيالي
انا امكم واني ابوكم واكفل اعيالي
يمي صيرن وانا اصيرن درع للخدر
كمر هاشم انا احشمه وحشمن الاكبر
ومن اسمهم ترتجف حتى المنايا
للسبايا انا خيمة للسبايا

دين درب السبي ونحمل شدت ايامه
مثل ما جدكم تعذب من اجه اسلامه
جازو الگوة لگاهم ضيعو ايتامه
وابدال الغار ردو حرگو اخيامه
هجرة الايتام تشبه جدي بالهجرة
واحنه اهل بيته وصبرنه يشبهه لصبرة
وكل يتيمه البالسبي دعوة هدايه
للسبايا انا خيمة للسبايا

اشما جمعت اطفالي انثر دمعي و اهاتي
وما اسولف لليتامة عن معاناتي
اهنا گبل چم يوم بالعز بنو خيماتي
ولو مشيت الكمر يمسح اثر خطواتي

وانا اخته وكبريائي كافله اضعوني
انا زينب طبع روجه ومايگيدوني
زينب اول واخر احداث الرواية

حرگو اخيامي ، وشموخي الصاير الخيمة
ياشمس تچوي اليتامة وبالجفن غيمة
موكب ومجلس حسيني بالسبي انقيمة
وكل ذكر لحسين لازم ربك ايديمة
والي رايد يخط منهج احنه النعلمة
دمعة المظلوم شمعة وتذبح الظلمة
واليعيش حسين ماينركن رايه
للسبايا انا خيمة للسبايا