متى نبديها الحرب (مكتوبة) - باسم الكربلائي
منذ ٩ أشهر١٣٢مشاهده|1
لطمية متى نبديها الحرب مكتوبة
الرادود باسم الكربلائي
متى نبديها الحرب متى نبديها
وعلي نمحيها العدى وعلي نمحيها
امر ننتظر منك سيدي وشوف
نهد بركابنه وما حاجه الاسيوف
نستاذنك كعبة وحولك انطوف
نجيب النهر يم الخيم مچتوف
موعد انطينه الك موعد انطينه
لنا ماضينه شهد لنا ماضينه
كلمة ننطيها بشرف كلمة ننطيها
الك مختار ربك خوش صحبان
قليلة بحقنه اذا سمونه شجعان
حچيت وصرنه نسمع صوتك اذان
عطر والخالفك ينحسب دخان
هوه ونشمك عطر هوه ونشمك
هلا يالدمك علي هلا يالدمك
مانهم بيهه الحرب مانهم بيهه
نتبعك عن قناعة ومبدء وراي
رخيصة الدنيا وانت الغالي مولاي
سهله ولا تفكر بالحرب هاي
حفظنة المعركه من الخيمة للماي
ترى بس تامر أمر ترى بس تامر
علن العاشر نصر علن العاشر
دمه نسكيهه الارض دمه نسكيهه
ها يبن الزجيه أمر وكول
نخلي الزلم تركض گبل الاخيول
شيرد انصاركم لو رادت اتصول
اليبارزنه يجي من اهله مكتول
سوه هدتنه صفت سوه هدتنه
السمه شافتنه وصفت السمة شافتنه
شهد اعليهه الكمر شهد اعليهه
لكيناك الحقيقة وغيرك اوهام
وبقينه وياك باليقضة وبالاحلام
سواتر من بشر كدام الاخيام
برحابة صدر نستقبلهه الاسهام
على موعدنه نضل على موعدنه
وليبعدنه الزمن وليبعدنه
تره نحجيها بفخر تره نحجيهه
الك يحسين جبنه ارواح واركاب
ننزف دم ولا نسأل بالاسباب
نعوف الاهل كلهه وكل الاحباب
صحبتك وانت گايل خير الاصحاب
انت والينه وابو انت والينه
رضا بارينه مهم رضا بارينا
الى نفنيها وعلي الى نفنيها
مو سبعين الف نحسبهم ازغار
الشمس كلش صغيرة بعين الانصار
بس اصدر بيانك واحنه ثوار
نخلي الكاع بالعادوك تندار
هلا بالعاشر نعم هلا بالعاشر
انا ابن ظاهر تره انا ابن ظاهر
وانت تدريها الزلم وانت تدريها
للشاعر: صباح العتابي
التعلیقات