يبو سيف النار (مكتوبة) - باسم الكربلائي
منذ ٨ أشهر١٩٣مشاهده|1
لطمية يبو سيف النار مكتوبة
الرادود باسم الكربلائي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
وصية أم يبو فاضل قبل لا گوله تفهمها
ييمه ايد زينب هاي اريدك دوم تلزمها
اهي امك واهي اختك واريدنك حرس يمها
واريد الخوه عالشاطي يضي عيناي تختمها
إذا نزعل يوم ..انه ازعل دوم
وفه حگ ارباي .. يوليدي
ييمه ايد زينب هاي اريدك دوم تلزمها
اهي امك واهي اختك واريدنك حرس يمها
واريد الخوه عالشاطي يضي عيناي تختمها
إذا نزعل يوم ..انه ازعل دوم
وفه حگ ارباي .. يوليدي
" يبو سيف النار .. يبو راس الحار
تره زينب هاي .. يوليدي "
تره زينب هاي .. يوليدي "
اهي الربتك يبني تعبت سهرت ليالي
تگلها يمه يحبيبه واهي اتگلك يكفالي
مثل هالخوه ماموجود عجيبه وتبقه للتالي
إذا حال العقيله بخير اني بخير احوالي
ترا تسوى ارگاب .. والي بيها احساب
على هذا الراي .. يوليدي
تگلها يمه يحبيبه واهي اتگلك يكفالي
مثل هالخوه ماموجود عجيبه وتبقه للتالي
إذا حال العقيله بخير اني بخير احوالي
ترا تسوى ارگاب .. والي بيها احساب
على هذا الراي .. يوليدي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
اريد اتحطها بعيونك ييمه وتحرص اعليها
تره حته الهوى يبني اريده مايمر بيها
إذا چفينك ايطيحن تطيح انته وتعليها
يكلمة عذراٌ وأسف ابد ماريد تحچيها
إذا يومك حان .. بلى ضل عطشان
ولا تشرب ماي .. يوليدي
تره حته الهوى يبني اريده مايمر بيها
إذا چفينك ايطيحن تطيح انته وتعليها
يكلمة عذراٌ وأسف ابد ماريد تحچيها
إذا يومك حان .. بلى ضل عطشان
ولا تشرب ماي .. يوليدي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
يعباس لعلي شنگول ظل زينب إذا ينشاف
لازم ماتشوفه الناس ولأجله زلم تنعاف
إذا بتارك ابيمناك على زينب ولا ينخاف
إذا صارت حرب ازعل واريد القتله بالآلآف
إذا تشهر سيف .. بده كيف الكيف
تره انته اهواي .. يوليدي
لازم ماتشوفه الناس ولأجله زلم تنعاف
إذا بتارك ابيمناك على زينب ولا ينخاف
إذا صارت حرب ازعل واريد القتله بالآلآف
إذا تشهر سيف .. بده كيف الكيف
تره انته اهواي .. يوليدي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
ييمه ابليـلة العاشر يجيك الشمر ينگط سم
ويبن اختنه ايصيح تعال وياي ماتندم
گله ام البنين اتگول اطبهم سياط ودم
گلهم ما إلي وياهم لا إخوة ولا إبن عم
انه ابويه حسين .. انه اهلي حسين
جره ويه دماي .. يوليدي
ويبن اختنه ايصيح تعال وياي ماتندم
گله ام البنين اتگول اطبهم سياط ودم
گلهم ما إلي وياهم لا إخوة ولا إبن عم
انه ابويه حسين .. انه اهلي حسين
جره ويه دماي .. يوليدي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
يعباس اني ماوصيك انته الفاهم العالم
تره بس نظره من حسين تسوه الدنيه والوادم
تروحوله سبع فدوات بس خلي يرد سالم
ييمه اليرضا عنه حسين يعيش ايموت مو نادم
منو رد معروف .. منو ينطي اچفوف
إذا مو شراي .. يوليدي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
خذت زينب امانه وياك شرط بيدك ترجعها
يبو النوماس ابچي اعيون إذا نزلت مدامعها
كأن المشرعه خيبر وانته ابچف علي اقلعها
اريد اتصيح انه العباس منا كون اسمعها
كفو من عباس .. كفو رفعة راس
كفو يالرواي .. يوليدي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
إذا زينب تريد الماي جيبلها نهر تشرب
إذا يگرب عليها الجيش اگطع منحر اليگرب
ييمه الماي يطفي النار اعطش وازعل والهب
راويهم منو العباس من يتراعد ويغضب
انه ماوصيك .. ولا اشكن بيك
على ضي عيناي .. يوليدي
يبو سيف النار .. يبو راس الحار
تره زينب هاي .. يوليدي
تره زينب هاي .. يوليدي
للشاعر : السيد عبدالخالق المحنة
التعلیقات