بجه اعليك (مكتوبة) - باسم الكربلائي
منذ ٩ أشهر١٥٨مشاهده|1
لطمية بجه اعليك مكتوبة
الرادود باسم الكربلائي
بجه اعليك نسيم الهوى
واجه الليل واريدك ضوى
قلبي بجنح راح يم بابك وطاح
ياموسى النبي من شق البحر وانتـه بلا عصا النبي
ياعيسى الشرف مريم طاهره وامك طاهره وابي
ياشبه النبي يحيى البالصبا من جاك الحكم صبي
عايش كربلا ضامي ومنذبح رحت ويه الضعن سبي
بالهموم قضيت العمروانا اليوم اريدك صبر
حتى الدمع صاح يم بابك وطاح
جدك عالارض ظل بلا دفن وخيوط الشمس لهب
وانته اعله السطح هم سم وعطش هم تحت الشمس عجب
ناس بلاوفه تكشخ بالغدر لا ماتستحق تعب
صحبتهم سهم ويصيب الجبد بلسان العسل كذب
يجي يوم واضمد الجرح بالاصحاب يغزر الملح
هل من وفي لاح يم بابك وطاح
ياعمر الورد رايد بس نده جابولك جبل حزن
يرموك بتهم عايش بالترف وانته بسكتتك تون
قالوها جهر مو ابن الرضا مابيه كل شبه ابن
وانته اتحملت والسم اجرعت طبعك ياترف تحن
عرفناك حبيب الرضا على الباب واريد الرضا
مكسور الجناح يم بابك وطاح
ها يالمعتصم وين الحاشيه قصرك والحرس اجب
ويـــن البايـعو ويـن الصـفقوا وين الاسـسو حـزب
لا فادك ذهب لا فادك ملك باقي تنذكر ذنب
انظر للقبب تلمع بالذهب تشرح كل قلب محب
ملك دوم يبن فاطمه تظل نور يشع بالسمه
قصره صفه اشباح يم بابك وطـــاح
هارون الابو يتم والدك من بعد السجن قتل
دم المعتصم من ذاك الدمه والعاشر نذل نذل
مأمون الغدر قاتلك أبو وافراق الأبو يشل
اجهل عايله عند الناصبه دم آل النبي سهل
بالدموع نواسي علي اويلاه ياتاسع ولي
طير الحزن ناح يم بابك وطاح
من ذاك الزمن ولهذا الزمن حكم الظالمه لهو
الخان الارض والباع الوطن سميناه رجل كفو
كم واحد وقع من عين العقل سموه بالجهل علو
واصبح حب علي والطاعه العلي بعيون البعض غلو
قصد ليك عبد رافضي يناديك متى تنقضي
مثقل بالجراح يم بابـــــك وطاح
مولاي الوضع من صعب لصعب واحنا بس نظل نذم
مرتاح العدو راد التفرقه يدري التفرقه هدم
والعنده وفه اتهموه بالغدر واكتابه امتلا شتم
هايبن الرضا شو طال الفرج والشر سيدي يعم
عالقبور قضينه الشمع وأنا اليوم سفينة دمع
واهمومي ملاح يم بابك وطاح
للشاعر: السيد عبد الخالق المحنا
التعلیقات