ياهو يقدر ثواني (مكتوبة) - باسم الكربلائي

 

 

ياهو يكدر ثواني يخلي نفسه بمكاني
انسه ياودج ادعولي بالفرج
ثواني

مو عابر سبيل ولاني مستطرق
انه ابن الراس ذاك العالرمح ينطق
اليكول المهدي لحظه ارتاح مايفرق
على الراد بضرب عماتي يسترزق
گلبي الله اليعينه كل دقيقه ابمدينة
وارث الحُجج ادعولي بالفرج

كل مااسجد ادعي الله يوفقكم
وانتو بغيري مشغولين اشوفنكم
مابيهه امان الدنيا لتغركم
الدنيا الغدرت اهل البيت تغدركم
والذكرني بصلاته اقضي عنه ابمماته
مثلَ ما لهج ادعولي بالفرج

اليأخر طلعتي مو مُدة محسوبة
مثل حسين اريد اصحاب مهيوبة
اكثر واحد اكره طبعة واسلوبه
اليدور عيب غيره وتارك اعيوبة
اليدري اسود ضميرة زحمه يحجي اعله غيره
خالفوا النهَج ادعولي بالفرج

دعاء الندبة كل ماسمعه اتذكر
ابو يشاهد جبير اولادة يتوّذر
اول مره اشوفن جبل يتعثر
ماي بشِبچة مايلّم علي الاكبر
شافه يابس لسانه اتمنه روحه ابمكانه
بِعلي امتزج ادعولي بالفرج

اخذ من عدهه ابنهه وعالمهد صلله
وصاحت ياعلي احضر قربةً لـــ الله
بحيث اكثر مسافه انترست اصملله
من خيمة رباب النحر عبدالله
واسمعت نحره ردد وينه قائم محمد
وشقي ابتهج ادعولي بالفرج

الف وميت عام اغيابي تقريباً
بس ادموعي ابد مايرضن يغيبن
اليدعن حتى عمتي امتونها يطيبن
اله بشرط مثل الكافل يجيبن
الله يدري بألمهه جم منافق شتمهه
قلبها وهج ادعولي بالفرج

اراقب كل مًوالي وبالنوايا اعلم
واعرف ياهو مهدلي الطريق بدم
شبان او ورد بگبورهم اشتم
من ايموت واحد منهم اتألم
والفداني بحياته ايرد مجرِد قناته
مؤتزر خرج ادعولي بالفرج

المفارگ عزيز الكل يعرفونه
اتبيّن من بعيد اللمعه بعيونه
بمرور الوقت تبدي الذاكرة اتخونه
وسواد يصير جوه ارموشة وجفونه
شما يبالغ قليله من يفارك خليله
صبرهُ عرَج ادعولي بالفرج

اتربي وتنطي ومن الضيــم محنيّة
سلام الله على الام العراقية
تغص بالماي وتبديـــه يومية
من تتذكّر الألف وسبعمية
المشترك بالجريمة المهدي باجر خصيمة
عُصبةًُ همَج ادعولي بالفرج

للشاعر : سيد رفعت الصافي