عباس أدري الحز وريدك (مكتوبة) - باسم الكربلائي

 

 

عباس  ادري الحز وريدك  آذاك
عباس سلملي على ايدك  وياك
عباس  يا كسرة عضيدك  بجفاك

يجمار الگلب كون ‏
الوجع بيه ولا بيك
تمشي بدون الولاد
عزيز امك اسميك
واذا ضيعتك بيوم
بگلب زينب الاگيك
وحسين   فارغ ظهره بعدك   مكشوف
وحسين  هوايه جروح فگدك   شيروف
عباس   يا دنيا التعيدك   والگاك

الرضه من فاطمه انجاز
ومثل هذا الفخر وين
شحلاتي من اوگف هناك
واشيلن نبلة العين
ييمه اشما يگطعون
قليلة بحق الحسين
الزهراء  من ترضه عليه  انجاز
الزهراء  اخدمها بديه  انجاز
عباس  عبرتها نشيدك  ودماك

صدگ بعيونك السود
سهم طالع سهم طاب
صدگ زينب يعباس ‏
ابوجها ارماد وتراب
جنت ما ترضه بالطيف
اذا طاريها ينجاب
كفال  مو سهلة العقيلة  من تصيح
كفال  لجن هيه الثگيله  من اتطيح
عباس  بچت زينب تريدك  تنخاك

احبه وغير الحسين ‏
ولا يخطر على البال
اعز من ولدي  بهواي
رغم عندي اربع جبال
هعلاجي صوت الحسين ‏
خصوصا يمه لو گال
يحسين  لو رايد رگبتي  تفديك
يحسين  صرت حتى ابسكتي  احجيك
عباس  حزن خليني ازيدك  وانعاك

شغلاتك بآخر انفاس
يجيك حسين ملهوف
تحاول تشبگ حسين
لچن ما عندك چفوف
يحير يشيلك منين
وذر صاير بالسيوف
مهضوم  ابن روحي واعرفك  مفجوع
مهضوم  عمت عيني على چفك  مگطوع
عباس  تگوم اوياه يريدك  بچاك

يسموني ام البنين
احترامي الفاطمة بهاي
اذا مره شفت باب
على الزهره ابچي بهداي
بقيت الخاطر حسين
بالخفيه اشرب الماي
ويلاه  لو زينب تحيني  احتار
ويلاه  من تشوف عيني  بسمار
عباس  ما تخلف وعيدك  حياك

بشر من گلي ذبحوك
الفضل طاح من المتون
صحت چا ضدر الحسين
عليه بس لا يسحگون
رجع گلي السحگ زين
سمعنه بيه يمثلون
رد گال  مشوا ولدج واگله  وحسين
رد گال تگطع جسمه كله  نصين
عباس  اگطعت گلبي ابريدك  شنساك

انا ام اربع قرابين
اغيّم وامطر اعناد
لچن مستحيه يحسين
فديتك بس بالاولاد
اخذني وياهم النوب ‏
اذا طف كربله انعاد
شبان  احن وابجي عليكم  يولاد
شبان  طگ گلبي ارد اجيكم  يبعاد
عباس  اخذ مني اليفيدك  بحماك

للشاعر: سيد رفعت الصافي