أعتذر منكم (مكتوبة) - باسم الكربلائي
منذ ٨ أشهر١٤٧مشاهده|1
لطمية أعتذر منكم مكتوبة
الرادود باسم الكربلائي
اعتذر منكم طاحت الراية
روحي من طلعت طلعت اوياها
روحي من طلعت طلعت اوياها
[ آخـر احچـآية ]
ويه النهر تتفايض اجروحي
ولـأهـل المخيم شايله روحي
ولـأهـل المخيم شايله روحي
[ آخـر احچـآية ]
ابدي اعتذاري چلمتي الأولى
للي ركضلي ومنحني طوله
ايده اعله خاصرته وغده يـنادي
عباس عني اتروح معقوله
للي ركضلي ومنحني طوله
ايده اعله خاصرته وغده يـنادي
عباس عني اتروح معقوله
گتله اعتذر ماصحت يامولاي
يـاخي صحتلك اعتذر من هاي
اعتذر شوّفت العده ادموعك
وحدك تون واهل الشماته اهواي
يـاخي صحتلك اعتذر من هاي
اعتذر شوّفت العده ادموعك
وحدك تون واهل الشماته اهواي
اتصيح والشامت يسمع اصياحك
يصعب اعلية ترجع الزينب .. لازم اصفاحك
يصعب اعلية ترجع الزينب .. لازم اصفاحك
رد وانـا خـلني اعله الثره مخضب
بلغ سلامي ووصله للزينب
بلغ سلامي ووصله للزينب
[ آخـر احچـاية ]
ثاني احچاية الارد اوصلها
للي الشمس ماشاهدت ظلها
چان الله رايد كافل الزينب
دگيت صدري وصرت كافلها
للي الشمس ماشاهدت ظلها
چان الله رايد كافل الزينب
دگيت صدري وصرت كافلها
اعتذر امس آنــا احرسّت حـَدچ
وبــاچر تحرسين الخيم وحـدچ
يـلي إعله زندي شاده المعصب
باچر يشدون ابحبل زندچ
وبــاچر تحرسين الخيم وحـدچ
يـلي إعله زندي شاده المعصب
باچر يشدون ابحبل زندچ
چـنتي بـعيوني يـختي عـذريني
والسهم تالي ماخذ امچانچ .. من غفه عيني
والسهم تالي ماخذ امچانچ .. من غفه عيني
عينچ طفت من عيني طفاها
وطاحت اچفوفي وطاحت اوياها
وطاحت اچفوفي وطاحت اوياها
[ آخـر احچـاية ]
اما اعتذاري الثالث امچانه
للي اسمعتها اتصيح عطشانه
سكينه بعدها تنتظر جودي
بعده الرضيع ايلوچ بلسانه
للي اسمعتها اتصيح عطشانه
سكينه بعدها تنتظر جودي
بعده الرضيع ايلوچ بلسانه
والله لجيب الماي بوريدي
لاچن اشبيدي وگطعوا ايدي
معروف صياد الزلم سيفي
غدروني وستسبع علي صيدي
لاچن اشبيدي وگطعوا ايدي
معروف صياد الزلم سيفي
غدروني وستسبع علي صيدي
شابگ الجربه لآخر انفاسي
والنذل الـطبعه من الگفه يهجم .. ونهشم راسي
والنذل الـطبعه من الگفه يهجم .. ونهشم راسي
ضرب العمد طيحني من مهري
مثل السهام انكسرت ابصدري
مثل السهام انكسرت ابصدري
[ آخـر احچـاية ]
رابع هضيمه الرابع اليمه
للـمنهدم حيله على عمه
يازين العباد اعتذر منك
جسمي التدفنه ايتعبك ابلمه
للـمنهدم حيله على عمه
يازين العباد اعتذر منك
جسمي التدفنه ايتعبك ابلمه
يم النهر دورني تلگاني
بس اعتقد ما تلگه ذرعاني
عالماي ماي وطشروا جسمي
ترفع كتر يوگع كتر ثاني
بس اعتقد ما تلگه ذرعاني
عالماي ماي وطشروا جسمي
ترفع كتر يوگع كتر ثاني
بدفنتي ادري يندفن صبرك
مثل ابوك انتَ بـس تشـاهدني .. ينكسر ظهرك
مثل ابوك انتَ بـس تشـاهدني .. ينكسر ظهرك
لم جسمي الموذر من الصحره
اويايه لف ابرايتي الخضره
اويايه لف ابرايتي الخضره
[ آخـر احچـاية ]
روحي اطلعت بس باقية اللچمات
ووياها طلعت خامس الچلمات
للما تبات الا على امتوني
من عگب حـُضني بالخرابة اتبات
ووياها طلعت خامس الچلمات
للما تبات الا على امتوني
من عگب حـُضني بالخرابة اتبات
رقية يا مدلولة العيله
هالليله يا مصعبها هالليله
چنتي عزيزه بشارب العباس
طير اليمر اعليج ياويله
هالليله يا مصعبها هالليله
چنتي عزيزه بشارب العباس
طير اليمر اعليج ياويله
لاچن ابموتي اختلفت الحاله
ومن عگب عمچ يـاوسف ضـعنـچ .. شمر يبـراله
ومن عگب عمچ يـاوسف ضـعنـچ .. شمر يبـراله
اتعتبين وانا ميت واسمع
ومنچ على نحر الأبـو تـطلع
ومنچ على نحر الأبـو تـطلع
[ آخـر احچـاية ]
هذا اعتذاري لأهل المخيم
وبگلبي الحچي ليهسه ما تم
حچاية خمسة احچيتهن لاچن
بسادس احچاية روحي تتلعثم
وبگلبي الحچي ليهسه ما تم
حچاية خمسة احچيتهن لاچن
بسادس احچاية روحي تتلعثم
لارض المدينة اتسافر احزاني
للواگفة اعـله الباب واتـّاني
گلب العليلة ماگطع ظنه
وتگول حاشا عمي ينساني
للواگفة اعـله الباب واتـّاني
گلب العليلة ماگطع ظنه
وتگول حاشا عمي ينساني
چان امل عدها تلتحق بينه
الجاي والرايح گامت اتنشده .. عمي چا وينه
الجاي والرايح گامت اتنشده .. عمي چا وينه
خليـها تأيس ماتـرد ليها
منها أعتذر وادري تـبّچيها
منها أعتذر وادري تـبّچيها
[ آخـر احچـاية ]
من العليلة ارويحتي تطلع
لدار امي اگصد گبل لا ارجع
نفذت امرچ بس اعذريني
إن چان ردتي اكثر اتگطع
لدار امي اگصد گبل لا ارجع
نفذت امرچ بس اعذريني
إن چان ردتي اكثر اتگطع
اصالةً يمه عن الساني
نيابةً احچي عن اخواني
بالطف بذلنا غاية المجهود
يشهد علينا القاصي والداني
نيابةً احچي عن اخواني
بالطف بذلنا غاية المجهود
يشهد علينا القاصي والداني
چـنّه لعضيدي اسيوفه ودروعه
وضلت ايميني لازمه الرايه .. واهيه مگطعوعه
وضلت ايميني لازمه الرايه .. واهيه مگطعوعه
لمن جعل راسي وسط حجره
شلته وگلت فشله من الزهره
شلته وگلت فشله من الزهره
[ آخـر احچـاية ]
الچلمة الأخيرة والأهم عندي
الى ابن اخوية الحجة المهدي
موعود اتشيل العلم عگبي
ولليوم باقي انتظر وعدي
الى ابن اخوية الحجة المهدي
موعود اتشيل العلم عگبي
ولليوم باقي انتظر وعدي
اتبدن مع الجود اعتذاراتي
منك اريد اليوم ثاراتي
انا ادري مهما طالت الغيبة
[ فإن يوّمَ المُنتقم آتِ ]
منك اريد اليوم ثاراتي
انا ادري مهما طالت الغيبة
[ فإن يوّمَ المُنتقم آتِ ]
الراية عالشاطي يمته ترفعها
ترجع ابثارك والسلب عمتك .. ايده تگطعها
ترجع ابثارك والسلب عمتك .. ايده تگطعها
عيني اعله سيفك يابعد عمك
كلها حچت لاچن بقت يمك
كلها حچت لاچن بقت يمك
[ آخـر احچـاية ]
للشاعر : مـيرزا عـادل أشـكناني
التعلیقات