هالسنه أمشي والسنه الجاية (مكتوبة) - باسم الكربلائي

 

 

هالسنة امشي والسنة الجايه
يابو علي للموت مشايه

احسب ليوم اربعينك سيدي يوميه
بدفتر التقويم كاتب موعدك بيديه
موعدك امشيله حافي امتربه رجليه
بالمشي رايد اواسي زينب المسبيه
خدامك احنه وگد الحچايه

يا حسين بهذا دربك مشه شيخ انصارك
وي حبيب ابن مظاهر احنه هم زوارك
سيدي وكلمن مشالك واللي كلمن زارك
هذا احساسه وشعوره بكربلائك شارك
يوم اربعينك غاية الغايه

انه عبدك وابن عبدك وافتخر ترباتك
يشهد الله ما اعوفك لا وحگ شيباتك
(منا هيهات المذلة) اعظم احچاياتك
والمشي ما تركه ماخذ فتوه من هيهاتك
لاخر نفس وفايه وفايه

الف هنياله اليجيلك ولحضرتك گاصد
فاطمة اتسجله بسجلهه حاضرة وتشاهد
امشي اول واحد اني باربعينك رايد
حته يحسين لحضرتك اوصل اول واحد
مشتاق اقبّل بابك اهوايه

جاذبية بهالزيارة لحضرتك تجذبني
وفقتني امشي لنّك يا حسين اتحبني
رايدك بالسنة الجاية بالاسم تطلبني
بداعت العباس اخيك زايرك تكتبني
ما عندي بس هالامنية هايه

من علامات الموالي ومن سرور الخادم
كون يمشي ويعتني لك باربعينك لازم
واليظن اترك مسيرك هذا فعلاً واهم
ابقه امشي لهالزيارة لحد ظهور القائم
مثل الجرف ميفارگ لـمايه

انت باب الله الچبير الـكِلنه بي نترجه
حبك بيوم القيامة يا حسين المنجه
نندعي بيوم اربعينك باسمك ونتهجه
عجّل اللهم طلعت الامام الحجه
آيه انتظاره وطلعته آيه

 

للشاعر: أنيس الخفاجي الكربلائي