ملك عصرك (مكتوبة) - باسم الكربلائي
منذ ٨ أشهر١٣٣مشاهده|1
قصيدة ملك عصرك مكتوبة
الرادود باسم الكربلائي
يا ملك عصرك .. جيت اشد ازرك
من شفت صدرك .. خالي من نحرك
عظم الله اجرك
نسيت اگلك عن وضع زينب
خيمتها مثلك للفرس ملعب
عظم الله اجرك
واضح نار بليل ابنك شفاگد
ابعينه الشامت شاف كسرة الوالد
فوگ خدوده جروح للعتب شاهد
واسمع اعتابه
راح وياك النور والشمس راحت
عاش بروحي الموت روحك ارتاحت
صوت غيابك صاح خيمتك طاحت
بويه يا يابه
احجي لو اسمعك .. ابجي لو اجمعك
حيره من وضعك .. سيف المگطعك
قاسي وي ضلعك
شو حتى ثوبك منك اتسلب
نسيت اگلك عن وضع زينب
عظم الله اجرك
هاك عيوني وشوف بين اشحالك
شوف اثار احجار قسم اوصالك
وماظل غير الليل يستر عيالك
واني تدريني
شايل ناري ونار جمرة وداعك
يامن خير الناس من ثمر گاعك
ليش بلا معروف كسروا اضلاعك
من عمت عيني
گلبي سد عينك .. بيني ما بينك
ذبحوا حسينك .. عشرة سنينك
يا صبر وينك
هضيمه وجهك دامي ومترب
نسيت اگلك عن وضع زينب
عظم الله اجرك
مات الماي الجان يشبه اوصافك
شاف رماح وجيش طحنن اطرافك
عاف اجروفه وراح يوصل اشفافك
ومنعته جروفه
ذاك الجود بعيد عايف متونه
نار دموعه تسيل من يضربونه
ساقي ورودك ماي شوفه بعيونه
ماتت جفوفه
ماتت جفوفه
گطره من ضفتك .. ردنه حگ بنتك
ويلي من شفتك .. تجري دم شفتك
حتى من عفتك
يا ضامي منك جم نهر يشرب
نسيت اگلك عن وضع زينب
عظم الله اجرك
خيامك لون رماد هذا باقيها
خوف وليل وجيش عسكروا بيها
شوگ اطفالك نار من يطفبيها
حرگت ازغارك
هاي تخاف تريد تختل بروحك
ذيج تريد تروح تمسح جروحك
شافن يوگع وين سهم اليلوحك
عرفن اخبارك
دربي لو دربك .. گلي شمتعبك
انته مو ذنبك .. سهم ال بگلبك
يجرح الحبك
خليني وي جروحك اتعذب
نسيت اگلك عن وضع زينب
عظم الله اجرك
يا من دوس الخيل كاسر احساسك
صوت اعظامك جان يوصل الناسك
صاح الله ويلاه عالگطع راسك
والهم يديره
داروا شوف العين وجهة الكافل
نادوا ياعباس وين ابو فاضل
ما يسمع مذبوح والعلم مايل
ذبحوا الغيره
هذا ابو الخوه .. الغيره والنخوه
نهر المره .. منه يتروه
چنه مو هوه
ذاكه الخصومه ما لگوه مهرب
نسيت اگلك عن وضع زينب
عظم الله اجرك
باجر فوگ النوگ نعبر الوادي
هذا يطيح وذاك يا علي ينادي
گاطع راسك صار بالضعن حادي
دنيه دواره
انا وزينب راح نمشي بضعونك
ما يثنونه اعداك وداعت عيونك
لكن بينه شلون من يشتمونك
روحي محتاره
صبري من جدي .. وعلمه هم عندي
شده وتعدي .. وانتظر وعدي
بطلعة المهدي
ثارك اساسا غاية المطلب
التعلیقات