تالي العمر (مكتوبة) - باسم الكربلائي

 

 

تالي العمر .. ادخل قصر
گلت النهاية .. كالوا بداية
انه بعسر ..مو باليسر
ام السبايه .. ما فوگي رايه
تالي العمر

اول مره صوت الوادم اسمع
صوتي ما طلع مو آنه اطلع
شاء الله يراني امشي واوگع
مو ركضة سهم دمعاتي اسرع
حاجولي الشمس ما ترضه ترجع
ما فزعتلي بس الظلمة تفزع
ظلمة وفت .. ستري صفت
اكره نهاري .. بوكت الظهاري
عيني انعمت .. يهل البخت
بعيوني ذاري .. تراب الصحاري
وجهي ستر

كل گاع الله اشوف بعيني هيمة
بهاي الكوفه ديرتنا القديمة
طبتها عواقبها وخيمة
منها ما يجي غير الهضيمه
التدخلها يتيمه لو يتيمه
طبروا خيمتي وحرگولي خيمه
يمي اجوا .. وتجمعوا
بقصر الاماره .. ماكو غياره
وتعايدوا .. وتباركوا
عدهم بشاره .. احنه يساره
وانه احتضر

همزين انجتفتوا وزين اليه
انه بالحبل ضميت اديه
لوعة فاطمة والعفه بيه
لكن حيرتني هالقضيه
رجال الكوفه جابوني سبيه
بس زوجاتهم تعطف عليه
يا منطقة .. بالصدقة
ما نقبل احنه .. والهادي جدنه
بالملتقى .. بيه شبقه
محنتنه محنه .. بالغربه طحنه
طيحة بدر

طببت القصر عمري بجيته
راسب ابن امي گدامي لكيته
وابن زياد اشوفه من اجيته
بالعوده لخويه يطگ لحيته
ساعتها بحرگتي كلميته
يا كبد الرسول الله فريته
موقف صعب .. بين الغرب
صارت وكفتي .. طلعت حسرتي
وراس الگلب .. من ينضرب
توگع دمعتي .. حرگوا مهجتي
حرگة جمر

ذيج اللحظه جنت اتمنى اموتن
ماكو حسيني المن عايشه المن
اهمس يا خواتي بيه الوذن
والسنة الشماته گبالي طلعن
من شاهد علي الظالم تمعن
(أ ولم يقتل الله علياً)
بيه جرح .. فوگاه ملح
جمهور اميه .. ضد السبيه
گبالي رمح .. وانه انذبح
ينظر عليه .. مجتوفه اديه
جتفة گبر

شحجي وما بقه غير انكساري
عالجاري كفيلي ودمعي جاري
ما ادري اخويه بوضعي داري
لو تمطر بحر ما تطفه ناري
ببيوت وقصر شفت الجواري
زينب بت علي بشمس الظهاري
عشت الالم .. غربه وخيم
محد رحمني .. واكثر هضمني
ماكو علم .. جرحي فهم
سر الظلمني .. سر الشتمني
شتمة زجر

خلصت ما اظن هاي المصيبة
ولا گلبي بعد يخلص نحيبه
الشام متانيه اتطب الغريبه
من عيني الدمع ينزل كتيبه
وهناك انعه عالشيبه الخضيبه
خويه منين ابو فاضل اجيبه
راح انتقل .. شام وابل
يفتر زماني .. محد اجاني
بيدي الحبل .. فوگ الهزل
صاير مكاني .. دهري لواني
لوية كسر

 

للشاعر : حمزة السماوي