يا يوسف الطفوف (مكتوبة) - باسم الكربلائي

يا يوسف الطفوف .. نقطعلك الجفوف
يخجل خيالك .. ينظر جمالك
عجيب .. عجيب

نسمه وتمر بالمختنك لمن نشم هواك
تمشي واثر جدمك ورد يترك عطر وراك
ما ميزت عيني الضوه لمن طلع ضواك
ضي وجهك وجهك انته المشتعل لو مشتعل كفاك
قطره ابحر گالو ضعت والضيعك نساك
يا قلبي وبنبض القلب من دورك لقاك
حبك بلا رقيب .. مالكني يالحبيب
عاشك واجالك .. ينظر جمالك
عجيب .. عجيب

انته القميص اليوسفي للعاشگ الضرير
امسحلي عين التنتظر شوفه وصي الامير
عطيني بي خليني ارد لمحبتك اسير
حتى اشعر شما عجزت ارجع طفل زغير
غانيني انته ومكتفي اكثر بعد شصير
وبلايه حبك كل غني لازم يرد فقير
يا صرخه منها وين .. لبيك يا حسين
والحب صفالك .. ينظر جمالك
عجيب .. عجيب

لو يوسف الحبه انبرت وانگطعت الجفوف
احنه المحبتك روس الك نگطعها بالسيوف
يالشايل اجمل كل اسم واجمل ثلث حروف
من ضي علي ووجه النبي بيك البشر تشوف
قدينه مو بس ثوب الك من مرك الكسوف
هاماتنه بسيف الحزن قدينه بالطفوف
ما نقبل اعتراض .. دم نگلب البياض
ذاكر قتالك .. ينظر جمالك
عجيب .. عجيب

خليني اسولف ع الجره وابشده النزال
من شفنه شمسك قاربت من لحظة الزوال
واتقدمت طالب حرب من كعبه الرجال
ياوالدي ويا سيدي اسمحلي بالقتال
گلك توكل ياعلي فاسحلك المجال
معركة وسيفك صاعقة وذبح الزلم حلال
سبعين الف عليك .. سيف الله بين اديك
هيبه بنزالك .. ينظر جمالك
عجيب .. عجيب

شاهد حسين المعركة واسهام الانتقام
صدرك تلكاها وابد ما وصلت الخيام
ذكرته وبجدك علي من جرد الحسام
وتلكه صدره بخيبره عن النبي السهام
واتنعه الك لمن نظر يم جسمك ازدحام
منها وبعثلك من طحت من جدك السلام
واستحضر الدعاء .. صبراً على البلاء
صابر بجالك . ينظر جمالك
عجيب .. عجيب

مشهوده اول هاشمي بالطف طحت صريع
منها وذبل كل الورد ما ضل فصل ربيع
عجبني يا طبع البشر ومعجب الجميع
تطلب شفيع وينذبح بسيوفه هالشفيع
وحسينك ابموتك صبر لامر العرش مطيع
بس كلي صابر يا صبر من ذبحو الرضيع
من مثلك وذبيح .. قبل الابو يطيح
وتشد رحالك .. ينظر جمالك
عجيب .. عجيب

عاود حسين اعلة الخيم منه الدم يسيل
محني الظهر لمن دخل يتوجة ع الكفيل
سالت عليك ام الخدر من ظنتك قتيل
كلها الجميل الهاشمي لا منحره الجميل
ياخويه اوصيج الصبر هسة اليمر قليل
مبسيه لا اهل لا من علي وعقيل
لمن مشت عليك .. باست تراب اديك
ماضل دلالك .. ينظر جمالك
عجيب .. عجيب

علمنه مذبح منحرك ما نعبد العبيد
كل ساعه نستقبل عمل شايل جسد شهيد
علمنه صبرك حب علي حب عنه ما نحيد
ما نمشي ويه صاحب ابد لو ما لعن يزيد
حاله بكريات الجسم تتلاكة بالوريد
عدنه الوريد بكربله والملتقى الوحيد
جمعتنه كربلاء .. يم وارث السماء
مثله بكمالك .. ينظر جمالك
عجيب .. عجيب