يا زينب أمانات (مكتوبة) - باسم الكربلائي

يازينب أَمانات أَمانات أيـتامِــي

يا بَعَد كل الأَهـِــل خويه تِدرِينْ الحِصَل
إنتـي لإعيالي الأَمَـل زينـب إيشوفُـونِــچ
إنتي روحي إو رايتي و إنتي عيني إو شَمعِتي
هالله هالله إبعِيلتِي الكــافِــله إيسَمُونِچ
يا بلسَــمْ للإجروح للإجروح و آلامِـي

لليتيم أُم إو أبــو إخِت للفگدَت أخو
لا تِخِلين العـدو بالحِقد يِتمادَه
صِيري للخِدَّر دِرع رِيح بإوجُوه الشَمِع
للخَصُم خَلِي الدَمِع ذِلِـي كِـل القـادَه
للكُوفِي تحاذِير تحاذِير للشامِي

سَوِي بِيهم زلزله يا أَمان القافِلَه
إنتي ثورةّ كربله ياعقيلةّ هاشِــم
إمن الرماح أُومِيلچ حِيلي كِلَّه إبحِيلِچ
بالطريق ادعيلچ يبقه ضَعنِچ سالِم
مكتوبه تِسِحگِينْ تِسِحگِين ضِلامِي

انتي يا رايةّ فَخَر رفرفت رغم الدَهَر
يا خَطَر يِرعِب خَطَر نِلتِي أعظم غايّـــه
صِحتِي يا جِيش الكفر ما يِخَوفني اليِسَر
والله أقَدمِلها العُمُر ما تِطِـيح الرايه
بأيتامي تِرَوِينْ تِرَوِين كل ضامي

بالسَبِي صار الحَسِم بانْ ياهو المِنهِزِم
يامَــرَه إتعادل زلم إخذِي مِنهُم حِيفچ
إمرأَه مو أي مَرَه هاشِمـيَه إموَقَرَه
ياهُو گال إميَسَرَه و إنتي كلشي إبكِيفچ
وَياهُم تِعِيدين تِعيدِين بأيامي

صبراً إو كل المحن هِيَه فتره امن الزمن
خويه باچر ينگِضَنْ والجَرِح يِتشافه
يِظَهر المهدي وَعَد أسد طالع من أسد
بالأعـادي كِل أَحَد شافْ موته الشافه
إبثاراته تِجيْ إوياهْ تِجي إوياه خِدامِي