أمير الناس (مكتوبة) - باسم الكربلائي

امير الناس جريح الراس يا حيدر
ثمن تقواك نزيف دماك يا حيدر
علي يا فارس ال بالدنيا يدنالك
خشوعك بالسجود اختاره جتالك
يا حيدر .. يا حيدر
علي يامن يلوذ الخايف بسدك
لجل دينك بذلت ابكل عزم جهدك
خبر هالليله يا خير العمل عندك
يتاني ومنتظر جيتك فجر وعدك
أمر مكتوب فرض مطلوب تنفيذه
وعد باريك وجوب عليك تنفيذه
وفي بعهدك ولا موجوده امثالك
خشوعك بالسجود اختاره جتالك
يا حيدر .. يا حيدر
گبل لا يصدر امر الله اعله تعينيك
گبل لا يرفع الهادي النبي ايمينك
چنت أول مدافع مخلص الدينك
ختمت ابقبلة الله ياعلي اسنينك
دليلك چان مع الرحمن اخلاصك
يقينك صار نبع اسرار اخلاصك
ثقة نفسك سبب تحقيق آمالك
خشوعك بالسجود اختاره جتالك
يا حيدر .. يا حيدر
علي الزاهد علي العابد يسمونك
دعائك والدموع الترست عيونك
وبالحومه ابثغر باسم يشوفونك
لذلك ياعلي اعدائك يبغضونك
ظلم واجحاف عدم انصاف عدوانك
اشكثر عادوك ولا هموك عدوانك
يعرفون اشتريد من الله يجرالك
خشوعك بالسجود اختاره جتالك
يا حيدر .. يا حيدر
للباري ابصلاتك سلمت امرك
وشديت الحزام العهدك بصبرك
وتدري بوعدك المحتوم ينتظرك
ما چان ابن ملجم يگدر يطبرك
وسافه انصيح صريع اتطيح يالوالي
ضوه المحراب خسوف انصاب يالولي
صيامك ما كمل لا كملت اعمالك
خشوعك بالسجود اختاره جتالك
يا حيدر .. يا حيدر
وي تكبيرتك وحي السمه كبر
والكون اويه جرحك موقفه اتغير
وجوب ابمثل هاي الليله يا حيدر
كرامة الهامتك هامات تتطبر
ابوفه اناديك ابدمه نواسيك هالليلة
ابلطم ودموع وگلوب تلوع هالليلة
و ما تكفي لون ارواح تفدالك
خشوعك بالسجود اختاره جتالك
يا حيدر .. يا حيدر
يخيمة وتحت ظلها امأمنه الفقره
الليلة چم يتيم الخنگته العبرة
وطبرة راسك اتراوينه چم طبرة
وچم جرح وألم وصواب ننتظره
وداع اعمار يحامي الجار توديعك
ونين ايريد اويه جية العيد توديعك
عزاء ابكل مسه ابرمضان نقرالك
خشوعك بالسجود اختاره جتالك
يا حيدر .. يا حيدر
وليكم راح لمن صاح ناعي البين
يا ليل ابأمان البي تغمض عين
جرح چم جرح خلف ابجسم حسين
ومن عباس لمن گطعوا الچفين
وعفت زينب بمصاب اصعب مبتليه
تباري اطفال وتحامي اعيال مبتليه
سبية اعله الهزل يا حيدر اعيالك
خشوعك بالسجود اختاره جتالك
يا حيدر .. يا حيدر