انصار (مكتوبة) - محمد الجنامي

سوالف وابتسامه و سيفه و الانصار منتظره
كأن باجر عرس مو موت والعاشق نفذ صبره
منو يلبس درع يحميه ومنهو الينكشف صدره
منو أول يموت يريد منهو اليكرم بنحره
ركضه على المنايه تصير شرط لا وقعه لا عثره
ها خوتي اليطيح يصيح عليهم و العمر مره
كل واحد بده بهوسه و نظرات الاسد خطره
علينه الليل شو طول و بقينه ننتظر فجره

ياليل فجرك وين .. وانريد نوفي الدين
للغالي انضحي الغالي
مسموع حجي السيف .. و الموت ملقى الضيف
ما ينذل راس الغالي
باجر نتصدر بالاول و احنه الوفايه
وانصيح الوادم لو باعت احنه الشرايه
انصار .. انصار .. انصار

بخجل زينب اجت تسأل و مدامعها تصب
يبو الاكبر كبر خوفي وأنا ابديره غرب
تره أصحابك يخي قله و تره باجر صعب
منو يرجع منو يثبت اذا صارت حرب
من سمعوا أصحاب الغيره شبت بيهم نار
مابينه اليخلف بالموعد لا بينه اليندار
شيخ الأنصار و قائدهم حشم يالانصار

ياليوث فزعه نريد .. حفاي ايد بأيد
نروح الخيمه زينب
وانصيح كلنا بصوت .. انصار حتى الموت
كل واحد سيفه مجرب
يم خيمه زينب نتجمع و انشيل الرايه
و انصيح الوادم لو باعت احنه الشرايه
انصار .. انصار .. انصار

يا بنت حيدر وحك حيدر ولا عنكم نزل
عسن متنه و توذرنه ولا دمعج يهل
فده ترابج لون صارت الف مره جتل
منو يگرب على خيامج وابن ظاهر عدل

اي و الكرار و ضلع امج حبكم رفعه راس
باجر نگلبها بعون الله و يتبسم عباس
رايتنه ترفرف بالعالي ورايتهم تنداس

للموت ركضه نروح .. سبعين سيف يلوح
ندوس ارگاب عدانه
و انصول ظلمه ليل .. و الخيل فوك الخيل
نجيب الموت ويانه
دون اخيامج ساتر غيره و انطينه احجايه
و انصيح الوادم لو باعت احنه الشرايه
انصار .. انصار .. انصار