ماتوكف الراية (مكتوبة) - باسم الكربلائي

 

 

ما توكف الرايه .. كل عام مشايه

لازم تشدون الحيل وكت المشي قادم
طلعوا ركض يا زوار و يراقب القائم
يفرح يشوفك عباس بيدك علم لازم
كلنا سوه بهذا اليوم نكسب رضا فاطم
طف كربله الغايه .. كل عام مشايه

من البصره تطلع افواج تبدي انطلاقتنا
من كل كتر مختلفين و الزهره جمعتنه
بيا موكب تصير نشوف هالعام و كفتنه
و يالثارات حسين كل خطوه صرختنه
من ولايه لولايه .. كل عام مشايه

لو نمشي باجر ع النار يستاهل الغالي
هذا حسين الزهراء عالي بن عالي
شيحجون خلهم يحجون ما رايح نبالي
كلمن تسأله يحاجيك بس كربله ببالي
للموت وفايه .. كل عام مشايه

كل فرسخ بهاي عالكاع إلنه تظل خطوه
وحسين اغله من الروح كل التعب يسوه
بالدنيا مر كل شي يصير بس خدمته حلوه
يدرون بينه شما صار نمشي له فدوه
ما نخلف حجايه .. كل عام مشايه

موعد عزانه يحسين من نوصل ترابك
سجده شكر يا مولاي نسجد على بابك
نلزم بايدينه البيبان و تقبل اعتابك
ندخل ضريحه و نصيح ويلاه على مصابك
و بصحنك قرايه .. كل عام مشايه

 

للشاعر : ابو يحيى المسعراوي