ويلي عالزهره (مكتوبة) - باسم الكربلائي

 

 

ويـلي  عالزهره المظلومه .... عاشت و ماتت مهمومه

شـيعتها  و  جينه إنواسيها .... و الدمعه ابحرقه نبجيها
و  نـتـوجه  للخالق بيها .... هيه التشفع يوم الحسره
جــيــنــه  انــريـد إنـعـزي الـزهـره

هـاي الـمظلومه إيسموها .... الله اليلعن من ظلموها
غصبوا حقها و ما رحموها .... مهضومه و خنقتها العبره
جــيــنــه  انــريـد إنـعـزي الـزهـره

مـظلومه  و الله إيساعدها .... من يوم الفقدت والدها
جم جرح الينزف ضاهدها .... بنت الهادي و أم العتره
جــيــنــه  انــريـد إنـعـزي الـزهـره

مـا تنعد و الله إمصايبها .... و شجم اصواب الصوبها
جـرح الباب اللي عذبها .... آه يا نار الضلع و كسره
جــيــنــه  انــريـد إنـعـزي الـزهـره

يـا دمـعـاتي هلن من دم .... و يا قلبي اتلوع و اتألم
لمصاب  اللي راسه اتهشم .... و اتقطعت يمناه و اليسره
جــيــنــه  انــريـد إنـعـزي الـزهـره

يـا بـو محمد ما ننساكم .... كل عام انجدد ذكراكم
بـالأرحـام  و حبيناكم .... و من واليناكم عالفطره
جــيــنــه  انــريـد إنـعـزي الـزهـره

 

للشاعر: السيد سعيد الصافي الرميثي