زيارة (مكتوبة) - حيدر البياتي

 

 

زيارة بروحي آني اشتري الزيارة
دوة جـروحـي القـبــة و المنــارة

لـ موسى إبن جعفر

الله ، الله

هَـب النسيم الموسوي
بلطف الحنان المهدوي
مــا يبرد الـمـا ينچـوي ، لـ مولاه

ويلاه ، چم آه

بــيــه ولا بـيــك الآســر
يـا كـسـرة المـا ينـكـسـر
يال عالجسر إنت الجسر ، لله

مـواســاتك عقيدة يـَنـور الله و شـهيـده
إليريدك أريــده ومـا اريــد المــا يريــدك
دخيلك يا ابو طلبة بضريحك ماكو صعبة
اليمد چفه ع بابك ينترس من رحمة ايدك

مليكي وحدك يابو الرضا مليكي
مـاكــو غـيـرك بالگـلـب شـريكي

بـ هواك آنا أكبر

يا نور ، من نور

مــا تـنـتهي شمـا تـبتـدي
غــالـي و بهائـك سرمدي
گلبك ضمي و جفنك نِدي ، لـ عاشور

مشكور ، معمور

اسمک على عيوني انطبع
يالحـيـــرت كـلـمن سـمـع
ســجــانـك بحـبـك وگــع ، معذور

يحرزي مـن الطفولة يـَ سـري الدوم أكوله
آنـه كلشي بأمانـة موسى ابن جعفر بديته
يمن لو عندي حاجة ومرض حرت بعلاجه
يحرزي و يا دواية بس اكول اسمك شفيته

حوائج إنت باب الجنة والحوائج
تـنـضـمن يـم صحـنـك النتــائــج

يشرياني الأبهر

مولاي ، رجواي

صاحب فضل ما تنسي
ذكرك نديمي ومؤنسي
آنــه بغرامـك عـابـسي ، ومجنون

يا راي ، يا ماي

يالبيـدك يـدور الفلك
مـا الطفك مـا اجملك
آنه و شكو بگلبي الك ، ممنون 

سجـد گلبي لجمـالك خـشع دمعي لجـلالك
يبو معصومة اعصم گلبي من كلشي بدونك
حـرم حـبـك سكنتــه اعــز مـن اهـلــي انت
احـبــك و اليحبـك مــا يـعيش بلا عـيـونك

اودك أكثر من أهلي و ابوي اودك
مــاكــو عـــد غيرك الشفته عندك

يمحبوبي الأندر

بحماك ، وانخاك

اخـذ بإديـه من الزمن
يالماكو من گلبك احن
آنــا الـذي مالـه وطـن ، لولاك

اهواك ، وارجاك

لا مني تاخذ جمرتك 
خليني دوم بخدمتك
لو خيط اصير بغترك ، وياك

عفت كلشي بسبيلك ردت منك قليلك
قليلك مو قليـل بعيني يالبيـك اتكـالي
بديك امري ومصيري يمولاي و چبيري
المهم ترضى عليـه بالبقن لا مـا ابــالي

رضائك ماردت كلشي ردت رضائك
وادري مــا تنســانـي مــن دعــائك

يحرزي من الشر

 

للشاعر : محمد البشير