حبك وين وداني (مكتوبة) - حيدر البياتي

 

 

  حُـبــك ويــن ودانـي
           بيك احسـاس بچاني
           مــاموجود منك ثاني
                - يا حُسين -

حبيبي بعــدد نجـــم سمـاي أحبك
حبيبي اعله كل جرف لكيته اكتبك 

| ارسمك و اشمك و اكلمك و افهمك |

دخيلك يا احلى حب اجى بحياتي 
دخيلك بـوجــودك انسى امنيـــاتي 

| لكيــتك هــويتك قـريتك بچــيتك |

آه لجـلك عشگت الآه
عليك البچي شمحلاه 
هـــو الــدمع معــنــاه 
يــــا أبــــا عــــبد الله

گـلبي بــ لـيل فتشته 
و مـا لاگيت بس انت
بغـير هواك ما تلكاني
    - يا حُسين -

حياتي سهر سفر وسط عيونك
حـياتي رسم رمل تضل بدونك 

| اعله دربك اندبك أختصاراً أحبك |

حلاتي من احزن لـ حُسيني و افرح
حلاتي من اكـتب بهيــامي و امسح

| دمعتي ضحكتي دهشتي صفنتي |

اوياي ذكرك يضل وياي 
كلـــما شـــربت المـــاي 
و كـلـــما شمس فوكاي
يالــما عـلــــيك فيـــاي 

ذكــر الخــــيل ياذيني
گلبي يصـيح سحگيني
كون اوياك مذبوح اني
     - يا حُسين -

خدمتك جزيره و المطر وردها
خدمتك اضـــل احـــبك بگبرها

| بقائي دوائي بعزائي و بكائي |

اوعدك دمعتي تبقــى غـــاضريه
اوعدك بصفنتي بس ركض رقيه

| الصغيرة الأميرة الكسيرة الأسيرة | 

عيون رايد حلم لـ عيون
تـــرد لـ خيـــــامك كـون
و رقيــــة على الـــمتون 

كـــل آمــــــــال مـا بيه
زيــنب ليـــش مســبيه
و نحرك ذاك حيل آذاني 
     - يا حُسين -

تقبل شعـوري يا ابـو المشاعر 
تقبل بخدمتي اخفف الحوافر 

| يـ طايح يـ صايح يـ نايح يـ رايح |

طبيبي تحـــير بــدوايه شفته
طبيبي و لا دره الوجعني انت

| يـَونّي الگتلني جروحك ولنّي | 

وين ما امشي انت الوين
وحـــدك ولا أكــــو اثنين 
لــــــو امتــلــك گــــلبين
هــــم هنه الك يـ حسين

الحـُـب حــرام گالولي
گلت حسين خضعولي
ما أنســاك ولا تنساني
    - يا حُسين -

 

للشاعر : ميثاق الحمداني