يمه (مكتوبة) - حيدر البياتي

 

يمه راح امشي و گلبي ماينطيني اعوفك
يمه مو مــن اســنيني يــوم المــا اشوفك

تعيش بخاطري وبصفنتي كل مغربية
لــوليت بدللول الولــد راح مـــن اديه

گلبي سفينة نوح . شايل عطش وجروح
ذخر الولد للشيب . يــا يمــه ليش تروح

ست اشـهر والموت بــاك مناغاتك
ظــل مهدك تابوت شيّع ضحكاتك 
ابچيلك بِسكوت كلما اتذكر آهاتك

يبني . الدنيــا مــن كلمة إبني يتمتني
يبني . عافتني الفرحه كلها من عفتني

والتفگد ولد تبقى تنوح بكل مسيه
لوليت بدللول الولد راح مـــن اديه

تعب السهر واربـاي . منــي خــذاه المــاي
ياعمري وإنت بعيد . ماريده عمري الجاي

حگــهـا المثـلي تحيــر وفراكك عِله
نحــرك بعــده ازغير مــو مالت نبله
بگلب امك شيصير قصة هجرانك موسهله

وينك . عطشانه لشوفة عيونك يغالي
وينك . يــا يمـه بيـاذنب ذبحـو دلالي

و بگلبي شكبر جرحك يطير الغاضرية
لــوليت بدللـول الولــد راح مـــن اديه

الفــارگله غالي يكون . مـاتبقه عنده عيون
صوت الدمع مسموع . بحال الغريبه شلون

إشـــرب مـــاي العين وإفتحلي عــيونك
يالعــايش بــحسين يالغـــالي شــلونــك
الگالو لا تبچين اتمنيت بعيني يشوفونك

جرحي . ينزف كل ما شفت ماي بحياتي 
جرحي . ســولف يــم النهر كل ذكريــاتي

ماصح لي يجي موتي و يدفنونه سويه
لــوليت بدللــول الولــد راح مـــن اديــه

مـات الگلب نبضه . ارجعلي لو لحظه
اكضي حياتي بنوح . يوليدي ماترضه 

آه و مـــيـــة آه مــن نـــار غيــــابك
وجهـــك ماانســـاه شيبني مصــابك
ماخذ روحي وياه يالغالي وهنيال اترابك

رايح . عن عيني و صورتك دوم اعله بالي
رايح . وذبحــة نحرك ولا عــافت خيـــالي 

والاصعب علي من ذبحتك امشي سبية
لــوليت بدللول الولــد راح مـــن اديـــه

للشاعر : كرار حسين الكربلائي