الطفلة الغريبة (مكتوبة) - حيدر البياتي

 
تـاخـذني لـو لا سؤال مدلله
تـاخـذني لـو لا وياك لكربلـه

ساكت يغالي ، جاوب سؤالي

أكتـب عالكــاع آنـا الطفلـة الغريبة
فقط چفـي اليكف دمعي و نحيبي
بنظراتك وداع ومحب يترك حبيبه
أخـاف اسـأل و اجـرحك يا حبيبي 

دمعتك ، جـوابك ، سـكوتـك ، غيابك
إرسمتعن بالعيون انتظاري على بابك

يا جرحي ودواي ، بنتـك نـادتك
يا جرحي ودواي ، تذبح سكتتك

ذابــح دلالي ، جاوب سؤالي
ساكت يغالي ، جاوب سؤالي 

إيجهزن بساع سجادة وسبحتي
وجـاهـز چـفـي لمـكــاود يمينك
وعيـونـك متـاع وتخيل فرحتي
كـل شـويـة احط بوسة بجبينك

دمعتي اعله جيدك ، تغازل وريدك
أبـويــه وأريـدك ، انــام اعلـه إيدك

للسفرة وياك ، عـديـت النجم
للسفرة وياك ، عشت بهالحلم 

سافر خيالي ، جاوب سؤالي
ساكت يغالي ، جاوب سؤالي

لو ما خذتني أضل أكعد عالتراب
وأكـسـر خـاطــر تـراب المـدينـة
أي لو عفتني بعدك يـسأل البـاب
بـتـمـن هــاي البـنـيـه الحـزيـنـة

يبويه بصراحة ، اذن موتي راحـة
أجرحك بالعتاب ، واريد السماحة 

كلمات العتاب ، بس مو عن زعل
كلمات العتاب ، وتـــردلـي الأمـل 

بكلمـة تعالي ، جاوب سؤالي
ساكت يغالي ، جاوب سؤالي

للشاعر : محمد الفاطمي