تسافر روحي (مكتوبة) - حيدر البياتي
منذ شهر٢٥مشاهده
لطمية تسافر روحي مكتوبة
الرادود حيدر البياتي
راح ادخـل حجرتي واقرة قرآن
وبيتي يصير باچر بيت الاحزآن
لو مني اختفى الصوت
تســافر روحـي للموت
يا أسماء ٫ يا أسماء
آخـر انــفـاسي بـدنـيتـي
راح اقــرة قــرآن السمـا
وراح اشتكي لرب العرش
واحچيله قصتي المؤلمة
بيتي صبـح بيــت الحزن
مـو بيــت حمـاي الحـمه
لو صوتي ضل ما ينسمع
معنــاهـا راحــت فاطمة
يومين هذا احساسي
ومــا بيـنتها لنــاسـي
گــوه اجــر انفــاسـي
ياهو اليرضى يسمع هذا المصاب
بنت اخــر نبي يـعصـروها بالباب
ومن يعصرني طاغوت
تســـافر روحي للموت
يا اسماء
لو صوتي ضل ما ينسمع
معنــاتــهـا حــان الوعــد
اسمــاء صيحي بُدمعتچ
ويــنـك يحــلال الشــدد
الله يعـينــك يــا عــلــي
راحــت ام بـيتك للابــد
راحــت من ايدك فاطمة
والراح مــا يـرجـع بـعـد
يا علي اولادك صاحت
زهــرة حيــاتك راحت
وخلت دمعتك طاحت
صعـبة ينحني الينقاس بجبال
يبچي اعليه ذاك البچه الرجال
بچالي ودمعة ياقوت
تسـافر روحي للموت
يا أسماء
ولـدي يـســألونــچ عـلـيّ
والصـوت مخنـوگ بدمـع
بالبيـت مــا نسمـع حـچي
صوت ام حسن ما ينسمع
يركضـون الـيه لحـجرتـي
يـسألوني شـلونــه الضلع
ميـتـة واحــن الهـم تــره
ادري بــعـد مــا ننـجـمـع
واحــد يگــل للثــاني
يا موت اخـذنـي انـي
ويبچون بين احضاني
مــن حضنوني ميـتة ودمعت العين
وصاح الوحي نحو الحسن وحسين
بعدي الدنـيا تـابـوت
تسافر روحي للموت
يا أسماء
زيـنب تجـي يـم حجرتي
والصوت من عدها اعتلى
يخنگني بــيـت ابلايـه ام
ومــات الگـلب راحوا هله
ادري التـمــوت امـها تــره
يـخلص عـمـرهـا معلـعلـه
تيتمت بنـتـي مــن الصغر
وبــاچــر وراهــا كــربــلا
بــاچــر وراها العــاشـر
ومـو ضـلع واحـد باچر
يطحن اضلوعي الحافر
الله يعين زينب يا علي تصيح
تعــثر بالدمـع وتگـوم وتطـيح
بدمعها الحجرتي تفوت
تســافـر روحــي للموت
يا أسماء
وصيت حيــدر لــو متت
بـليـل وظـلام انــه اندفن
يلچمني ضلعي من الكسر
حتى من اموت ابقى اون
ابيتي بـعــد مـات الفــرح
واسـمه يضل بيت الحزن
غطــاني بتـرابــة الگــبــر
والشــوفتي حيــدر يحن
يم گبري ويحــاچيني
فـاطمة وياچ اخذيني
راحـت ويـاچ اسنيني
ليله يجيني الگبري ابـو الثام
هو وولده صاروا بعدي ايتام
الگبر مو مثل البيوت
تسـافر روحي للموت
يا أسماء
للشاعر: مصطفى العيساوي
التعلیقات