أول ملكة (مكتوبة) - حيدر البياتي

 

أول ملكة سكنت صـحراء
بيت الاحزان قصر الزهراء 

مســلوبة روح .. ماتبجي ممنوع
دوون الملكات .. مكسورة ضلوع 

           سكنت صحراء

الـلا أنـسيــه حوريـه 
بوجهه وسفه مچويه 
تبچي وتمشي محنيه .. حرام

صفت ام طول المكسر
الهوى يبجيها من ينجر 
الضــلع يوجعها ماتكدر .. تنام

الســـلطانه يجلوها .. بالريش يهفوهــا 
ليش الزهره بحايط .. وباب يعصروهـا

هاي الملكــه .. الـملكها الله 
تبچي الدنيا .. من تگول آه

من تــــتبسم .. داخلها مـفجوع 
دون الملكات .. مكسورة ضلوع 

          سكنت صحراء 

اعله ابوها تبجي سمعوها 
ومـــن غرفتها طردوهــــا 
للـبـر تبــچي خلــوهـــــــا .. تروح

بشجــرة تفيت الزهــــره 
واجوها وكطعوا الشجره 
ضـلت ســاكــنه الـصحره .. وتنوح

اليرضا الله بمرضاها .. وبت طه وام طه
ألـمـا تستاهل تبجي .. چم حـاقد بچاها

بيت الاحزان .. سيـدة الكون 
لمــــن تبچي .. بيها يشمتون

وين تــفرفح .. واليبجي مسموع
دون الملكات .. مكــسورة ضلوع 

          سكنت صحراء

حياة الملكــات تسر
المثـلها مدلله وتؤمر 
بس ام الحسن تمطر .. حنين

الـ كلها رحمة عـَ الامه
ليـش تجازت بــلطمه
لگبرها راحت مــورمه .. بـأنين 

بسـتان وسلبوها . معصومه وچذبوها 
صبرت بس من محسن . ماتت من حرموها
 
التحسب فضه .. اخت الزينب 
ماتستـــــــاهل .. هاگـد تتعب 

لون المغرب .. عد خدها مطبوع 
دون الملكاات .. مكسورة ضلوع 

          سكنت صحراء

الخشب من جمعوه كونه 
عـرش الـــها ينــجرونـــه
مـــو بيها يــوجـــرونــــه .. وتصيح 

الباب اعليها دفعوها 
طبگ كتاب طبكوها 
تگوم الزهره خلوها .. وتطيح 

السل اعليها سيوفه .. ونزل بيها الخوفه
صافگها والصفگه .. يعني اثنين چفوفــه

مچتف حيدر .. واخذوه مربوط
وآمــــر عبده .. يضربهــا بسوط

گلــه اذيهـــا .. ماتاذي مرجوع 
دون الملكات .. مكسورة ضلوع 

         سكنت صحراء

الـبسمار الحــــرگ جاســـه
واجه وضلع ام حسن داسه
مــوش بــأبــــرته بـراســـه .. عذاب 

حـــفر وتلــــوج خلاها 
لحـــد ما طلع احشاهـا
وصبغ من كثرة ادماهـا .. الثياب 

خاتون الله الكبره .. متلوك ألها العصره
مالحكت تتـعدل .. من عصروها الزمره

ويلي اعليها .. وي حرك الدار 
تكوم وتكعد .. من لســع النار

ماتــت تبجي .. ومقهوه وتلوع 
دون الملكات .. مكسورة ضلوع 
           
         سكنت صحراء

للشاعر: ميثاق الحمداني