حيدر غضب (مكتوبة) - حيدر البياتي

 

حيدر غضب گلهم خلص وكت الوصيه
لمـــن اجــو رادو نبــش گبـــر الزچيــه

صاح القبر بحماي 
ما وصه طـه بهاي .. وگت الوصيه

الحرگوا و دفعوا . بالنسوه من جمعوا
و للمقبرة طلعوا .. ذيج المسية

غاضب طلع حيدر . سيف ودرع اصفر
صاح الگرب يخسر .. يم الزچيه

فــاطمه گبـرج منو اليجيه
اليوم اطلع كل حرگتي بيه
هــذا يـوم اللي آنه اشتريه
قــاتلچ غاضب صدك عليه

اليـدنه يم گبــرج ولو حاول أسمعه
اتخيله خيبر وأجي من الگاع اقلعه

أسكت يضن الجاي
مـا وصه طـه بهاي .. وگت الوصيه

گـالو اله الزمره . نصلي على الزهره
و نردها للحفره .. يا علي هونك

حيدر بده يحذر . و بالثاني ضل يحزر
گـلــه اذا تحفر .. اشلع عيونك

يالعصرت الزهره آعصرك
حسره ضلت بيه اسطرك
أنــت إحـفر وإني أطبرك
تعـرفه حيدر ؟ لو اذكرك

لمن نظــر للمرتضى وعــليه بده يصيح
ضل يرتجف مثل السعف لمن تهب ريح

من عنده خاف هواي
مــا وصــه طـه بـهاي .. وگت الوصيه

من شاهدوه غاضب . صار الهرب واجب
صاح إبن أبي طالب .. اليدنه وينه

الزهره احتمت بيه . ماتنلوي إيديه
لــو هجمت علـيه .. كل المدينه

بلا وصيه وأنتي بالحمه 
بـسلامٍ رقــدي فـــاطمه 
مـاكو باب ولا نزف دمه
والدنــالچ حاشى ارحمه 

عذريني عن يوم الضلع فدوه لدموعج
اليــوم اطيب خاطرج واضمد ضلوعج 

شأصبر على بلواي
ما وصه طـه بهاي .. وكت الوصيه

اليذكر الهجره . فراش النبي يذكره
وياه الي سهره .. متهني بيها

گلهم بطل هاشم . خل تگصد الوادم
يــم الگـبر نايم .. وينه اليجيها 

من الكبر صوت ارتفع جلي
آنــه ممـــنــونه الــك علي 
مـــن بعدتــه عــني قاتلي
مــا تركــته يقــترب إلــي

من اللي عصرني دافعت خففت همي
تمنيته يحفر يـا علي و تضــربه يمي

هــو سبب مبچاي
ما وصه طـه بهاي .. وكت الوصيه

للزهره دار العين . كاللها يم حسين
لو بالنفس جرتين .. لجلج اقاتل

كبـرج تره بسدي . و موصي بيه ولدي
حسين وحسن بعدي .. وچف أبو فاضل

هالگبر نرسم عليه سلام
وكــل امام يسلمه لإمام
كلنه نسـهر والغفه حرام
المــهم ام الحـسن تنــام 

يضل الوفه من كل ولي بينه و كلامه
يــا فــاطمه بــهذا القبر نامي بسـلامه 

غــير الائمة فياي
ما وصه طه بهاي .. وكت الوصيه

گبر و عرش چنه . اليندله للجنه
عالناس اضمنه .. يالزهره بيدي

بوصيتي آني اوصي . يبقى الگبر مخفي
حدما يُعجل في .. طلعة حفيدي

بـاجر المهدي يجي بظهور
وبــس اليحبج يجي يزور
الجامل بضلعج يوالي زور
مـاهو مني وهذا مو غيور

الدافعها والحاول نبش تربتها والگال
محد ضربها المهدي يسبيهم بالحبـال 

شيسكت بيده لواي
مــا وصه طه بهاي .. وكت الوصيه

 

للشاعر : ميثاق الحمداني