ما مضمونة (مكتوبة) - باسم الكربلائي

 

 

ما مضْمُونه واسنين العمُر سَفْره
لا تِشغلكم الدنيه عن الزهره

منّ الخدمه لا تِبعدكُم الأهواء
اولَيْهمكم ضجيج الدّنيا بالآراء
محّد ينفَع ابْلا رحمة الزّهراء
اوهنياله الأخَذْ منّ المضوا عِبره

مقرونه ابْرضاها طاعة الإنسان
ما يسوه بِلا حُبْ فاطِمه الإيمان
مِثْل العاده ربّه اويحفظ القرآن
ما آمَن ابْربّ العِزّه كل عُمْره

منبر فاطمه مِعراج حُبّ الله
ابْوجه ابيض مُحمّد بالحشر نلگاه
نخسرها الشَّفاعه مِنّه لو عفناه
المنبر كل هدفنه كون نعتبره

إبن آدم إذا نحسِب الوضعه احساب
بالأوّل اتراب اوتالي همّ اتراب
ما ياخِذ اوياه مِن عُمْره بس اكتاب
الزّهره اتحدّده باليمنه لو يسره

گاضي العمر ماهي احچاية التنگال
يمكن باچِر احنه اعله الچتِف ننشال
لا تغرينه لحظةْ سُلطه لو أموال
لا نجمع رصيد اوباچر انخسره

يوميّه الجنايز تطلع امْن الباب
وابْسرعه النجف ياخِذ احباب احباب
ابْطرگ الچفن حتماً نندفن بتْراب
الما يفزعله حيدر ياهو اليْحضره

هاي الدّنيه بيها كل بَشَر خطّار
تكليفه رضا الزّهراء والكرّار
بس حيدر قيسم الجنّه عن النّار
واشْلون الصّراط ابلا علي ايْعبره

 

للشاعر : زين العابدين المرياني