صوتك بسمعي (مكتوبة) - الشيخ حسين الأكرف
منذ ٤ أشهر٧٣٢مشاهده
صوتك بسمعي(مكتوبة)
الرادود: الشيخ حسين الأكرف
ليه ليه
ليه ليه يا علي الأكبر أشمك
تحضنك ذرعاني يبني
بلهفه ولصدري أضمك
صوتك ابسمعي يناديني
ييمه يمه
تمنيت يبني وما تهنيت
مثل شمس الِغْروب اتغيب عني
تمنيت هذا موادعك طيف
وأفز من نومتي والگاك يبني
يا وردة حسين العطش
ذبّل رسومك
أتمنه يومي يا علي
من گبل يومك
اشبُگني خَلّي دمعتي
ذكرى بهدومك
يا گلبي نُوح اعله الولد
محد يلومك
صعبه صعبه
والله صعبه والده تودّع ولدها
يا گمر ليله الغريبه
روحي تحتاجك بعدها
يالولد گوم اسمع اونيني
ييمه يمه
حرامات كل تَعْبِ العمر مات
تشيِّب روحها المِنْها الولد راح
حرامات ظامي وتروي لتراب
كِرهت الماي من گالو: علي طاح
ارسملك ابعيني نهر
يالمِتت ظامي
وجهك يِفَزّز صفنتي
وتبچي احلامي
كلما شفت أم وولد
أذكر ايامي
طُولك يبو طول الحلو
يمشي گدامي
يبني يبني
علي يبني كسرتك والله چبيره
وانت يا أكبر جروحي الدنيه من بعدك زغيره
فراگ وجهك ذبَّل سنيني
ييمه يمه
أحاچيك إكعد خل احاچيك
روحي اشتاگت تگلك ييمه
أحاچيك ساكت ما ترد ليش
يشمعة بيتي صار البيت ظلمه
مو بذره حته يندفن
وجهك الغالي
لو شجره أسگي بدمعتي
تكبر اگبالي
بچّه الصخر والمو صخر
ضيم البحالي
ميت واگلهم ما متت
عايش ابالي
يمه يمه
آخ يمه گطعتها بتوت گلبي
رحت يا شوف البعيني وما اوچّد بعد دربي
مساهره وما غمضت عيني
ييمه يمه
يشبان اريد ابني يشبان
آنه ام الشهيد الراح ابنها
يشبان انّوم صورته وياي
واگله عيونك الحلوه شدفنها
كل يوم اگابل صورته
واكسر الخاطر
كل يوم اناطر جيته
مثل المسافر
كلما گلت باچر يجي
ما يجي باچر
ما نايم وشابع بچي
جفني المساهر
ذكرى ذكرى
والف ذكرى الليل يجمع ذكرياتك
واگعد بنص ليلي وانعه رحت يا هيبة خواتك
وانته مو طبعك تبچيني
ييمه يمه
التعلیقات