آخر شمعة (مكتوبة) - صالح الدرازي
منذ ٥ أيام٦٥مشاهده
آخر شمعة مكتوبة
صالح الدرازي
بـاقـي ســواد الـليله وامـن الـصبح شـياله
بـاقـي ســواد الـليله وامـن الـصبح شـياله
عاشور وعدي امن الله وهذا محطّ ارجاله
بـاقـي ســواد الـليله وامـن الـصبح شـياله
#
الـلـيله آخــر شمعه يضويها الـصبُر
وباجـر ايـْعـين الله لــو حـلّ الـظُهُر
الليله لو عندج عتب.. زِيدي العَتَبْ
بـكـره مــا عـندج أحـد غـير الـشمُر
بـاقي بـس لـيله بـعد واحـنه سِـوى
وتـفـتـرق لـمّـتنه بـأنـفاس الـضِـوى
الليله ضمي الأكبر و لولي الرضيع
وقـولـي لـلعباس ايـرف بـيده الـلوِا
الـليله لـو عـندج سـهر
يــوقـف ابــابـج قُــمَـر
وبـاجـر ابـكـل نـاحـيه
يوقف عدو يخز النظر
تهجم على امخيمكم من كل جهه الخياله
بـاقي سـواد الـليله وامـن الـصبح شـياله
آخــر وداع وبـاجـر راسـي عـلى الـعساله
بـاقي سـواد الـليله وامـن الـصبح شـياله
#
عـيـنك ابـعـيني يـخـويه لـلصبِح
بـاقي بـس لـيله وتسافر عالرمِح
لـو درت وجـهي الـجهات الأربعه
ابـكل جـهه لازم أشـوفك مـنذبح
ابـكل جـهه شـيبك تـغطيه الدمه
تـنزف امـن الـنحر رأسـاً ..لـلسمه
خويه أشرلي ابمكانك راح أجيك
حـتى لـو شـلتك ضـلوع امهشمه
انـتـه دلـيـني الـجـسد
الـباقي عـلأختك بـعد
راح أجــيـك الـمـعركه
وامنع الحافر لو صعد
بـاجر يـخويه جـسمك بيدي ألم أوصاله
بـاقي سـواد الـليله وامـن الصبح شياله
مكتوبه لي هالطلعه هذا اللي جدي قاله
بـاقي سـواد الـليله وامـن الصبح شياله
#
الـليله لو عندج دمع ... هلي دمع
بـاجـر اوي الـشـمر دمـعـج يـنـمنِع
كلشي حولج يحمل أطباع الوداع
حـتـى خـيـمتكم نـحـرها يـنـقطع
الـلـيـله ضـمـيني يـريـحانة عـلـي
وافـتـحـي قـلـبـج إلــي و تـدلـلي
بـاجـر اتـضـميني جـثه بـليا راس
وجــفـج ابـدمـي يـزيـنب يـمـتلي
باقي بس هالليله بس
اتــزودي لآخــر نـفس
بـاجر اتـشوفي الشمر
جـم مره بنعاله رفس
دموم السمه تشوفيها فوق الأرض سياله
بـاقي سـواد الـليله وامـن الـصبح شـياله
باجر يزينب صدري يدوسه الشمر بنعاله
بـاقي سـواد الـليله وامـن الـصبح شـياله
#
طــولــي الـلـيـلـه يـنـجـمـات الــسـهـر
لاحــقــه عـالـغـربـه والــهــم والــكــدر
مـــا أغــمـض عـيـنـي هـالـسـاعه أبــد
خاف اغمّض وألقى سيف اعلى النحر
خــاف أغـمـض وأفـتح اعـيون الـنهار
وألـقـى بـجـفوفي حـبل والـخيمه نـار
خــاف أغـمـض والـشـمر يـشتم أبـوي
وصـاحـب الـغـيره بــلا يـمـنه ويـسـار
يـا شـمس من تطلعي
أدخـل بـمجلس دعـي
لـكـن ابـرغـم الـضـرب
ما أقبل ايصد مدمعي
لاح الفجر والعاشر غيّم ظلام أهواله
باقي سواد الليله وامن الصبح شياله
واللي يودع ناسه كلي يخويه شحاله
باقي سواد الليله وامن الصبح شياله
حتى الطفل عبدالله يفت العطش دلاله
بـاقي سـواد الـليله وامـن الصبح شياله
بـاجر يخويه بجسمك قلبي يمد اظلاله
بـاقي سـواد الـليله وامـن الصبح شياله
شـلي يصير ابروحه الصوب النهر كفّاله
بـاقي سـواد الـليله وامـن الصبح شياله
ايشيل السهم دلالي بس الهجر ما شاله
بـاقي سـواد الـليله وامـن الصبح شياله
التعلیقات