فرسان الحرب(مكتوبة)
الرادود: السيد فاقد الموسوي
حيّوهم فرسان الحرب حيّوهم
حيّوهم گلبوها گلب
حيّوهم فرسان الحرب حيّوهم
حيّوهم گلبوها گلب
يوم يوم المرجلة.. هيه تشرد كربلاء
يوم يوم المرجلة.. هيه تشرد كربلاء
حيّوهم فرسان الحرب حيّوهم
حيّوهم فرسان الحرب حيّوهم
حسين صاح بظهورهم يا زلمة
اليوم يوم حساب مو شعمامة
حيّوهم العباس دب لثامة
الحار وابن الحار شد حزامه
علي علي.. مثيل علي گتاله
منو الگدر نزاله؟
گضى سليم خياله.. هلا بعباس
علي علي.. نزل فتن قبيلة
هذا النهار دخيلة
سليم علي ثقيلة.. يا رفعة رأس
يا بو صيحوا هلهلي.. عباس يا منوحة علي
يا بو صيحوا هلهلي.. عباس يا منوحة علي
الله الله الله.. العركة صارت بالسلة
منين تشرد كربلاء؟
نزلاء وسوح الحرب وضاية
والچفاف انشدت على الراية
جربته العباس سوّت سواية
يدري شيسوي فعله بالمسناية
علي علي.. سليم ترس جريبته
مثيل علي بوگفته
صگر هلا بخزرته.. شبيه الكرار
ابن علي المحارب.. سحگ على الشوارب
هجم على الكتايب.. بديه فقار
عباس شال القنطرة.. والجيش ظل يرجع ورى
عباس شال القنطرة.. والجيش ظل يرجع ورى
طبها والمرهم حيلة.. منين تشرد كربلاء؟
حسين يم الخيمة لمن صاروا
حتى كل قائد يعرف أدواره
بعد ما كمل وجت بشارة
خلى عباس الجيف طشارة
علي وشهر حسامه.. نزل بدت قيامة
علم يرف بشهامة.. خذا الميدان
هلا بكفو العشيرة.. بطل علي وذخيرة
يا بو الوفا يا غيرة.. قمر عدنان
تاريخ حماي الحمى.. واليوم ثارك فاطمة
تاريخ حماي الحمى.. واليوم ثارك فاطمة
الله ثاره مسجله.. منين تشرد كربلاء؟
طبت أنصار العشگ للحومة
والتعدله هدومه ذب هدومه
يوم مو كل من يموت بيومه
الما يموت اليوم روحه تلومه
يا بو هلا بحنينه.. إلك رقاب فدينا
إلك عهد علينا.. نموت وياك
يا ابن علي الشهادة.. إلك عندنا عبادة
الگلب أعلن جهاده.. ولا عفناك
حسين رخصنا الرقاب.. والماي لونه أحمر گلاب
اليوم حلّت زلزلة.. منين تشرد كربلاء؟
حيّوهم فرسان الحرب حيّوهم
حيّوهم گلبوها گلب
يوم يوم المرجلة.. هيه تشرد كربلاء
حيّوهم فرسان الحرب حيّوهم
