مشايه مشايه (مكتوبة) - محمد الجنامي
منذ شهرين٢٦٩مشاهده
مشايه مشايه(مكتوبة)
الرادود: محمد الجنامي
مشـايه مشـايه .. نوصل كربله
موعدنه بالرايه .. نوصل كربله
هذا العهد كل عام بينه وبيني
مشاي اروح و رايتي ابجيفني
خليني بجنون العشك خليـني
صدكني عن حسين ما تلهيني
كلمة شرف هايه .. نوصل كربله
مـوعدنه بالـرايه .. نوصل كربله
كل شيعي غيره من الطفوف برأسه
وجابه العشـك لحــسين و العبــاسه
مــقياسه ما واحــد وصـل مــقياسه
أهل الــمواكب صــارت اهـله وناسه
وعدنه الشرف غايه .. نوصل كربله
مــوعـدنه بالــرايــه .. نوصل كربله
يــوم أربعيــن حســين ما ناسينه
عــفناها عــفناها الــديار و جيــنه
صحنه بعلات الصوت يابو سكينه
نــگطــعها لــو ما زارتــك رجلــينه
وخل تشهد الثايه .. نوصل كربله
مــوعدنه بالــرايه .. نوصل كربله
منعــوفه للــموت المــشي منعـــوفه
لو طاح كل شيعي وكطعتوا اجفوفه
ضـــحينه الارواح وركضنـــه نطـوفه
وحســـين جـــنه ملـتقـــانه نشـــوفه
وللعشك شرايه .. نوصل كربله
موعدنه بالرايه .. نوصل كربله
صــار ألف عــام وعام ما منـعونه
أهل الــملامه اشعــدهم ايلومونه
كل سنة الصوت بكربله يسمعونه
لا ما نعــوف حسيـن لـو ذبـحونه
للمــوت وفـايه .. نوصل كربله
موعدنه بالرايه .. نوصل كربله
انه الحسيني الكاتب المحبوبي
ما عوف حبك يا شفيع اذنوبي
بدروبي شايـل رايتـك بدروبي
ولاخر حياتي عليك اسود ثوبي
وآيـه ابآثر آيـه .. نوصل كربله
موعدنه بالرايه .. نوصل كربله
زينــب اجــت ونـريــد نــتــلـــگاها
وطول الدرب لحسين نمشي وياها
جــبنــاها رايــات الــوفـه جــبناهـا
ويــانه حـتــى الــگاع مـشــيــنـاها
ما نخلف احجايه .. نوصل كربله
مــوعـدنه بالرايه .. نوصل كربله
التعلیقات