رسالة حسيني (مكتوبة) - محمد الجنامي
منذ شهرين٢٠٠مشاهده
رسالة حسيني(مكتوبة)
الرادود: محمد الجنامي
رسالة حسيني بمحرم كتبها
احبك حبيبي وخدمتك أحبها
يا أيها الخاكم .. خادم الك خادم
جنن عقلي حبك .. و ابشرياني اكتبك
يا حبيبي يحسين والحسين احبك
اسمك من عشگته .. باب الحب قفلته
گلبي فتشه و شوف ماكو غيرك انته
دورت بالگلوب ماكو مثل حنانك
الدنيه ضيعتني ولمني وطن امانك
يا اميري بالناس محد اخذ مكانك
تباهيت عله الكون منو العنده مثلك
أمل اهلي و الناس وابد ما املك
عالنها للوادم .. خادم الك خادم
سر ابكل قصيده .. قديمه لو جديده
اسمك من اگوله گلها اتگلي عيده
وجهك سر جلاله .. لاهل الحب رساله
يوسف يم خيالك صفر كل جماله
مو عشك خرافات عشگي الك حقيقي
خادمك يمولاي ما تيهت طريقي
ما اصادق انسان صار اللطم صديقي
ثلاثة اصدقائي البشر كلها تدري
البجي و الزيارة ولطمتي اعله صدري
گلبي يظل هايم .. خادم الك خادم
دارس بالمواكب .. وانه بيها طالب
الما نجح بالحسين بالقيامه راسب
هذا كل يقيني .. من اهلي مشتريني
بالهويه مكتوب عبدك الحسيني
والدي اسميك اعظم شرف اخدمك
يا هوه اليغرگون من اختنك اشمك
اجمل النهايات تخلص حياتي يمك
الخدم بالمجالس يسموني قنبر
جبيره عليه بعد رايد ازغر
كل مرجع وعالم .. خادم الك خادم
من زغري اعله باب .. اخدم وي شبابك
امحزم واطبخ الزاد يحسين ابثوابك
عاشك گلبي كافل .. كتله و دمعي هامل
انه الوزعت ماي بسمك يا ابو فاضل
خدمة المواكب رتبة شرف جبيره
هيبه اليخدمون من قمر العشيره
جربته العظيمه اتوزع علينه غيره
أمير الكفاله يوقع خدمتي
جفوفه عفته امانه دمعتي
رتبة قمر هاشم .. خادم الك خادم
أهل الخدمه كلنه .. انته تلم شملنه
بفطره نحسب حسين واحد من اهلنه
جنه بروحي تكبر .. وكل الدنيه تصغر
گلبي حبك و صاح يا شريانه الابهر
گلبي دگته تصيح اعشك اسم محرم
من اشوف الهلال يا حسرة بيه تنضم
حزني والمجالس عايش حياتي مغرم
دعاء امي كل يوم رب وفق ابني
ردت بس خدمتك وخذ كلشي مني
ما اسمع الايم .. خادم الك خادم
التعلیقات