زينب نادت المظلوم (مكتوبة) - محمد الجنامي
منذ شهرين٣٨٤مشاهده
زينب نادت المظلوم(مکتوبة)
الرادود: محمد الجنامي
زينب نادت المظلوم يبن امي ونظر عـيني
ماني اختك يبو سجاد ماتكعد تحاجينـي
ماني امخدرة عدنان ماني الجنت بحمـاكـم
بحماكم جنت واليوم حرمه ابوليه اعـداكـم
مو وكت العتب يهل الشيم واتعاتب اوياكم
حككم مـاتسمعـون العتب مـاكـول نـاسينـي
-----------
مـاتنسونــها الجانت عزيزه امدللـه بيكـم
اشبيكم هذا المكدر علي وامكدر اعليكم
اروح اميسره وتبكون موته وما اواريكم
يبن امي الشمر كلساع يهظمني ويبجيني
-----------
ماني امعلمه اعله الظيم ماجنت اعرف الذله
جـنت امـدللــه ودرب الـيسـر مـاجنت انـدلـه
شتـسلـه شيـسـلـينــي اخـلافـك بيـش اتسلـه
غير الحزن غير النوح يبن امـي اشيسـلـينـي
يبن امـي الـهـظـم چـتـال والـذل والهظيمه العار
العار اهل الشماته ابحال زينب يبن حامي الجار
انــه الـمـا بـدالـي اخيـال لنـي ابين كـوم اشــرار
سوط لـعـده اعلـه امتوني وانه اشكف بجفينـي
اشلون اعله الوطيه اتنام يبن امي اشلون اتنام
اشلـون الـنـوم يهنـالك يـالـعـايف حـرم وايتـام
ياصيوانهــا العـاشت حـدر فيـك صـدك تنضــام
راح الـفـي يفـي الـكـل انشـدك مــن يبــاريـنـي
يافـي يمـن فيـك فــي يافـي فـي على فيـك
ياضي مـن ضياك الضي ياضي وانفكد ضيك
سبع الحي متت لو حي ياهو اليوكف ابحيك
رايح وين عـن الـحي والـحـي مظلـم ابعينـي
هـم اتعود يبن امـي وايامك الحلوه اتعـود
هم تعود يالعودك صلب ليش اذبلت ياعود
يالثابت ثبات الـطود شنهو الـزلزلك ياطـود
وشنهـو الـغيبك عـني وحـال ابينك وبينـي
چيف اتموت وانتَ الموت يالموتك حياة وموت
مـوتـك للـعـدو مــوتـه وحـياة الـدين يامـنعـوت
مـاكـولـن فـخـر للـمـوت ماللـموت مـثلك صوت
صـوتك مـوت مـوتك صـوت يالـفـركاك داهيني
يبن امي الحرم تنعاك موبس الحرم تنعاك
ينعاك الـحرب ذاك الكبل يتنومس ابملكاك
ينعاك الكرم والزود يامسمي ويسم اعداك
الكل تنعـاك والينعـاك صــدك مــايجـاديني
انـــه انـعـــاك والـتنعـــاك زينب يــاذخــر زينب
يمـك موجبـه ابيا حال كلبي من الحزن عطب
مـاجان الامل يحسين تبگه اعله الثره امـترب
ومـاجنت اظـن مـن انخاك مـاتكعـد تحـاجيني
زينب نادت المظلوم يبن امي ونظر عيني
ماني اختك يبو السجاد ماتكعد تحاجيني
واويلي على زينب .. واويلي على زينب
التعلیقات