لا ياهلي (مكتوبة) - مرتضى حرب
منذ شهرين١٧١مشاهده
لا ياهلي(مكتوبة)
الرادود: مرتضى حرب
مو مالت تعوفني لاياهلي
داروا عليه شوفوني لاياهلي
اياحنان كلبي حن مالي امجان
بالضعن لاياهلي
ماكو امل هل كمل الضعن وانه على الهوادج عيني
عاتبت شكد ردت واحد يركبني ويرضيني
من المرض تعبانه. جاكولو امشي ويانه
تعوفوني محتاره ودمعاتي بعيوني
تمنعني احجي العبره وكل محمل ابجي بكتره
مااكدر حتى اوكف خلصانه شوفوني
ياهلي ماتعبكم تكفيني بس شوفتكم
مااصعد باي محمل انه امشي اخذوني
شيصبر ابينتكم كلشي ولافركتكم
شلون اصبر لوطالت هل فركه حاجوني
دموعي تهون عليكم لاياهلي
كلكم محنه ادريكم ياهلي
الموعد حان والزمن
مالي مجان بالضعن لاياهلي
ياهلي ياهو الي وانه شيل الجدم مابي حيله
شنتضر احتضر كاعده والفركه جنهه طويله
كلبي يريد احبابه وهذا الفراك اشجابه
وطشرنه وخلانه كلمن صار ابديره
صح مرضي ثكل جدمي بس جنتو كلكم يمي
شتحمل فركتكم لو مرضي شهل حيره
مابي حيل الفركه وكلبي الافراك يحركه
شوفولي حل ياهلي محلفتكم بلغيره
روحي تحب لمتكم صعب انحرم من عدكم
لغزه الفركه يحير وين الكه تفسيره
موهذا جان حسابي لاياهلي
اسال واريد اجوابي لاياهلي
كبالي النوك من حدن
مالي مجان بالضعن لاياهلي
معلعله ياهو له كلبي المخلينه تلهب ناره
بدمعتي وحسرتي اكعد انشد عالضعن واخباره
تراب الدرب شميته ومن دمعتي ساجيته
بكل شهكه اتنفس يحبابي فركتكم
ياهلي تعبتوني بهذا الجفه تموتوني
هل بينت برسومي يالرحتو عازتكم
اباب الدمع راح اكعد وانتضر ضعنكم ونشد
عفتوهه من الوحشه ماتنطب ديرتكم
وين انتم بيا ديره حيرة جفاكم حيرة
لابيه متاناكم ولابيه الاتبعكم
مو انتم التنسوني لاياهلي
يالتارسين عيوني لاياهلي
همًوم الليل من اجن
مالي مجان بالضعن لاياهلي
يادمع ينسمع وانه ضلت عندي بس دموعي
هل حمل موسهل وانه تعب المرض حاني ضلوعي
يهلي الهجر كاسرني عالفركه شيصبرني
روحتكم خلتني مشتاكه وزعلانه
هايهلي شعطلكم ردو على بنيتكم
عفتوهه من الفركه الماترحم تعبانه
اليل يبدي وتبدي تجرح دموع بخدي
لاتخلص دمعاتي ولاانه الخلصانه
بالي بقه من حيلي انظر نهاري وليلي
تارس كلبي وعيني ضل فارغ ديوانه
جنه تكرب موتي لاياهلي
ومايوصل الكم صوتي لاياهلي
والحسرات ماكضن
مالي مجان بالضعن لاهلي
ماغفن عيوني اذن ياهلي من اهد ماعفتوني
من النشد ينمرد كلبي لوعنكم خلك نشدوني
عليكم دليلي معود حكه اذا ماهود
رايدكم لجروحه المن عدكم ردوله
مو مالت افراك انه ولابيه حيل متانه
ماراح تردولي يحبابي معقوله
يومي كوه يمر اكطع الضن لو اصبر
ودوني اي طارش وخل يسرع كلوله
لن بعد ماتحمل كلبي الحنين اتعلعل
ماتكدر توصلكم بنيتكم معلوله
لو مااحسب بيكم لاياهلي
جاماعتبت اعليكم لاياهلي
العلويات مو مشن
مالي مجان بالضعن لاياهلي
التعلیقات