يالماشي لبعيد (مكتوبة) - مرتضى حرب

يالماشي لبعيد(مكتوبة)

الرادود: مرتضى حرب

يالماشي لبعيد عليـلة الكم بالديار
عفتوها چن بيت شعر بـكظة النار
أوه يا... يا راكب اللي فوگ سبّاقة الريح
خذ العمامي عمامي عمامي وابوي يا حسين مرسال
گل للعليلة تراها تگوم وتطيح
بفراگكم يا حسين مشدوهة البال
ام البنين تودي رسالة...
يالماشي لبعيد عليـلة الكم بالديار
عفتوها چن بيت شعر بـكظة النار
يالماشي لبعيد عليـلة الكم بالديار
عفتوها چن بيت شعر بـكظة النار
عفت بالدار عين مغورجة دموع
متعودة على عينك
كل ما جاسها بحرورته الشوگ
تصرخ بويه وينك
تطلبك دين أبوة يا ابن الأكرام
تعال ووفّي دينك
يابو چف الطويل بوصل الأرحام
لا تگصّر يمينك
يا بلسم الروح تعال وداوي الجروح
العايفها بالدار تريد وياكم تروح
تتعب من تجي ساعات الغروب
يبني الفرگة مرّة
عـليلة وحگها اذا تعتب يا مهيوب
فراگ الغالي كسرة
صوت وجسم من الهجر متعوب
البُعد ما أحد يگدره
وفوگ جفونها دمعاتها تروب
وتنام بعين حمرة
بُعد الأهل موت ثچيل أيحز بالأرگاب
يابو المداليل العليلة فراشها تراب
يمضّيچ ديار العز يا مسؤول
رد وخذ الأمانة
خيول الهجر يم ديارنا تجول
تعبنا من الـمَتانة
لا حاظين بيك ولا أحنا ميتين
سبي غيابك سَبَانا
يابو علوم الچبيرة الترفع الراس
فراگك شيّبانه
خاف أعتب عليك وأزعلك وإنت متعوب
حال العليلة بغيابك يكسر گلوب
عله دارك من يحط الطير أحاچي
وأگله شلون أهلنه
بلچت مار بيكم وأسمع أخبار
عن ذيچ المحنة
عساها بخت طف الشوم يا حسين
رحتله وطش شملنه
لا مرسال منك جاي وأرتاح
ولا إنته الراجع إلنه
ما راح أحاچيك وأجرحك خاف أأذيك
تدري العليلة بغيابك بس تهم بيك
اذا ما ناوي ترجع ودّي عباس
يجي وحملك يشيله
انا أبقى بديارك ما أجي وياك
بس إخذوا العليلة
خاف تموت عندي من بچي الليل
عتبكم مالي حيلة
شگول إشگلت وياها لو أگول
إمتاناكم ثچيلة
يالماخذ الحيل هجركم سوطه جلّاد
بُعد الأهل نار توجر حدر الأفاد
يا مزوّد مرضها بروحتك هاي
تعال الفرگة تكتل
غاليتك يـ يمه تگوم وتطيح
كلما شاهدت ظل
لا مقتنعه ما ترجع يا سردال
ولا مقتنعه تقبل
حرت ما بين هاي وهاي يا حسين
ودمعة عليك تهمل
بُعد الأبو يريد گلب ما مرّه مفجوع
عفت العليلة گلبها عليك مشلوع