يانوك اسمعني (مكتوبة) - حيدر حسين السعد
منذ ٣ أسابيع٨٢مشاهده
يانوك اسمعني
حيدر حسين السعد
يانوگ اسمعني
واخذن امر مني
بالممشه كلجن صدن اعليه
ماريد كون اطيح علويه
واخذن امر مني .. واخذن امر مني
............
من ضعن زينب ناكه تحجي وينوك
وتوصي نوك الهزل
ياهنه تدرن فوگنه المسبيات
ستر الله بيهن يندل
ماريد وحده اتميل منجن بالشام
زينب تره تتفشل
تعبانه من اطيح مابيهه اتكوم
تعبانه من ذاك التل
بهداي ممشاجن .. خدر الله فوكاجن
ماريد كون اطيح علويه
..........
ماريد ناكه بزينب هناك اتميل
شمات ينتظروهه
لو ما وكت اغبر ويغدر بحسين
زينب فلا شافوهه
صيرن عليهه شلون خيمة عباس
اتموت لو عرفوهه
بس المصيبة شلون نلغي الديوان
من توصل يحاجوهه
لا اخو ولا كافل ... بس شامت وعايل
ماريد كون اطيح علويه
............
ناكه العليهه ام عون بنص اتصير
وغطن عليهه الميله
سابع سمه اعله الكاع من فوگ اطيح
منطيح منهه الشيله
حادي الضعن يتقصد ايعتجن حيل
لا بارك الله بحيله
والحادي شامت والشمر فوگه ايحوم
لو عتنه شنسويله
واخلاف اخو زينب .. ضعن الشرف ينسب
ماريد كون اطيح علويه
........
متعلمه زينب تطلع وياهه اخوان
بس الهوى ايمر بيهه
يا زلمه يوصل ناگة اخت العباس
وعباس اليماشيهه
ما صاعده الهزل عمت عيني ام عون
خندير بال اعليهه
متعوده اليصعدهه جتف العباس
جن امه ويداريهه
وي اخوان من تطلع .. وبخدمتج تسمع
ماريد كون اطيح علويه
............
بت شيخ واخت الشيخ ومربيه اشيوخ
وعلويه بت علويه
سبحتهه طين وشيله بيضه ومحراب
المفروض مو مسبيه
ناگه واحن لو طفله من فوكي اطيح
شلون لو حجيه
هضمتني زينب تحجي واسمعهه اتگول
ويلاه بعد مابيه
ما بيهه ع الگومه .. من الراحه محرومه
ماريد كون اطيح علويه
التعلیقات