واقع حالي(مكتوبة)
الرادود: سيد سلام الحسيني
واقع حالی..
عفو عيونك قابلته واقع حالی..
صحراء چان وغيرته أجمل ذكرى..
أول دمعة قبال اسمك حسين واقع حالی
تتصحر روح العافت وتصيح للي خسران..
والما حبك ما خضر لو صاحب كل النهران..
ضايع ويضيع غيره الما بي منك عنوان
يا أوضح واضح واسمك دليل..
ليش اندلك وأغفل وصيحك من ضياعي..
وأنا الواعي واعتك على صوت النواعي..
أنت الداعي والعافك وجوده ما له داعي
عايش حبك واخذ من دمعي أخبارك..
ومعذبني استنصارك باحت صوتك..
راح ودارت بسنيني حسين واقع حالی
آمن تنفاس بذكرك صرت أنا بحبك غير..
چان الطير يفر مني خليته يفر يم الطير..
لولا فضلك بجروحك يا حسين منين الخير..
ويا مجروحي صب جرحك دلال
أنت الما غيرت كل الموازين بضعينة..
وصرت أوسع جرح راح يلمنا ويهدي بينا..
مو بالصحراء كون بديرة الماي السفينة
أول صحراء تذبح رملتها سفينة..
أول صحراء دمك خضرها مدينة..
يا الشاريني ومورد روحي بجرحك حسين واقع حالی
بيبان الحب عيونك يا لما غمضت عيون..
يا عالم بس يا عالم حب ينطي ورحمة لكل لون..
خليني أتلاشى بحبك شامة بخد عبدك جون..
وبس عيونك تندلني مكان
أخلع اسمي وادخلك يا ضي عيني وحلمها..
على دين أم البنين الفدت لأجلك اسمها..
والنسمة التهب من راية الخدمة أشمها
رحالة وأنا وما خيم بس يم ذكرك رحالة..
أمشي مغمض ويا عطرك رزقي الدمعة..
ويا رحالة هدرسنا حسين واقع حالی
يا سلطان انحط يمك حتى تحير واختار..
ويا واحد بس شكثرك ألقاك اش ما شوف اندار..
يمتد فراش المجلس وتمد بينا الأعمار..
تدري بحسرة أمثالي عليك
خوف من الأجل چم خادم رعبه منامه..
ويدعي لخدمتك وعيونه تفقد حزامه..
اللهم لا تحرمنا من أنس الخدامة
نعيش الحسرة حتى نعيش أكثر خدمة..
نخاف نفارق هالنعمة ما تتعوض..
هالنعمة المخصوصة حسين واقع حالی
من جروحك لجروحك حد قلبي وحد البال..
جازيتك هال حچاية لا ما تطرى ولا تنقال..
نحسب جروحك أهون يحسب ذرات رمال..
جروحك وأفضالك تنعد محال
من آخر ضوه بشيبك إلى ما لا نهاية..
الحاول يحسب دموعك ترجع للمداية..
ما يشفى بدمع حزنك إذا ما تعلى راية
عيوني جروحك تراقب آخر أنصارك..
عيوني جروحك تغمضهن راية ثارك..
أين الطالب بجروحك حسين واقع حالی
