بين ليل داره (مكتوبة) - باسم الكربلائي
منذ يوم٤مشاهده
بين ليل داره(مكتوبة)
الرادود: باسم الكربلائي
بين ليل داره .. بين قيد ثاره
جمر يمينه .. دمع حنينه
بفگد حبيبه حبيبه حبيبه
وحشة فاطمة بنظرة علي تبين
والگلب الصلب ذاك الوكت ليّن
علي فاگد الزهره الگلب الحنين
لا لحظات سهلة ولا أمر هين
بين نوح عيله .. بين جور ليله
رحل أمانه .. ونصف كيانه
أسى ومصيبة مصيبة مصيبة
يسل للثار سيفه بقبضة الشدة
محمد چنه بيده يرجعه لغمده
علي الدخلت الدنيه ولاذت ابسده
شلون تروح فاطم يرضه من عنده
غيض سيف ناقم .. راد ثار فاطم
ابصبر يتاني .. صدى الثواني
تمر عصيبة عصيبة عصيبة
المواسيته چانت بالعمر راحت
من جفونه موجه من الدمع طاحت
إلحگ يبو حسين من الضلع صاحت
أيام الفراگ الـ بالأفق لاحت
خالية ايامه .. حايرة اجدامه
خذت وجعها .. وكسر ضلعها
مشت غريبة غريبة غريبة
عاتب باب بيته الما حمه الزهره
مو أي باب إنته وينفت ابكسره
يا ساتر أمان وحارس العترة
هذا الصار بيك ولا بعد يجره
غيض بعتابه .. ضاع صوت بابه
نظر حسامه .. ولگه بكلامه
جمر لهيبه لهيبه لهيبه
لأيام البداية الذاكرة اترجعه
من انطه لمحمد بالمهر درعه
حدب من فگدها وشيّب بسرعة
مثل فلاح غفلة ويحترگ زرعه
نار بهمومه .. شيب برسومه
مشت بعيدة .. بگبر وحيدة
دفن نصيبه نصيبه نصيبه
تتكسر عبرته اشلون يرغمها
إذا يسمع ابزينب تسأل اعله أمها
يتيمة ابلايه أم وكلشي يهضمها
وين دموع عينه النازله يضمها
حيل ما يعينه .. موج شوگ عينه
دوي السكوته .. صمت قنوته
ألم نحيبه نحيبه نحيبه
گعد گابل گبرها وسولف اوياها
واستاحش (هلا)ها وذاكَ ملگاها
أودعج گلها صعبة الخطوة ممشاها
وصلنه الحظة هاي الما تمناها
ضام صوت نوحه .. هناك عاف روحه
يرد لبيته .. حزن مشيته
بألم مهيبه مهيبه مهيبه
اويه المحسن انطشت ماسة يم ماسة
العلي مخليها جوه العِمه الـ براسه
إذا سولف حسين ايحسها بأنفاسه
إذا صد الحسن يشعرها بإحساسه
بيد ليل خالي .. غاب ضوء عالي
ألم جفاها .. وهج ضواها
بدأ مغيبه مغيبه مغيبه
التعلیقات