حدد موقفك (مكتوبة) - باسم الكربلائي
منذ يوم٦مشاهده
حدد موقفك(مكتوبة)
الرادود: باسم الكربلائي
حدد موقفك .. واعلن ما يلي
لو تكسر ضلع .. لو تسند علي
لو تجبر ضلعها وذاك المصاب
لو تنگل حطب يم عتبة الباب
حدد موقفك
كل واحد وراه باچر سفر حازم
خلص عمرك حذر خليك يالواهم
لا ربعك يفيدونك وتظل نادم
إذاً دعني انصحك واترك الوادم
خيرك رزقك وتوفيقك الدايم
إذا فتحت سجلها وكتبتك فاطم
والحظ والبخت .. من ام الحسن
يبين جوهره .. لو حق لو فتن
لو تركض مثل فضه العفيفة
لو تركض مثل ولد السقيفة
حدد موقفك
خليلك أثر طيب مع العترة
وإذا تنطي تنازل منك أتبره
تحبهم بالنهار وتعلن النصرة
ويجي الليل وتصافح قاتل الزهره
لا تسحگ جرحنه وتدعي الإبرة
تره الزهره تعثر خاين العشرة
ذلة بكل وكت .. عسكرهم عمه
ويبيض الوجه .. عسكر فاطمة
اللهُمَ إشهَدْ قَدْ نصحناه
وانت برغبتك إما وإما
حدد موقفك
اگلك بين باب ونار عصروها
يجي المثلك يگول شلون ثبتوها
لنفرض لا حدث صاير ولا اجوها
عليمن چا زعل فاطم إسألوها
دفعتوها خلص طاحت دعوفوها
تريد تشيل محسنها وسطرتوها
شلت يمنتك .. هاي ام الطهر
باجر للنبي .. دبرلك عذر
باچر لو سأل بنتي اشذنبها
شتجاوب اذا فتحت كتبها
حدد موقفك
سألني الما يصدگها ويشك بيها
شعجب فاطم بعلها ما فزع ليها
النبي وصه على اتصبر لتاليها
علي لو ما الوصية غالي راعيها
الزمرة الحرگت الباب اويه ثانيها
شرط ترجع لأهلها وروس ما بيها
لو ما ملتزم .. بوصية النبي
چان المرتضى .. لبسهم عبي
بس خاف اعلى الإسلام ايتفرق
واتحقق واذا رايك تحقق
حدد موقفك
تعال اسمع لمن هجموا على ان الدار
انا فاطم انا بنت النبي المختار
وإن صاحوا وإجه تحت الضلع بسمار
يا فضه الحگيلي ولتني النار
وشيلي ابني تره من الباب لاحه اخبار
علي يگلها يفاطم نصبر على الصار
عذرا فاطمة .. صبرا عالوضع
دين المصطفى يستاهل الضلع
خبرني النبي وگلي يكرار
لو دينك يظل لو تاخذ الثار
حدد موقفك
حروب شگد اشو ما شفنه شيخ فلان
مراجلكم فقط تطلع على البيبان
دغطيها السوالف عمي يا صحبان
لجل منصب وسلطة چتفوا القرآن
كلامي وياك انت وكل شخص وهمان
رغم أنفك يظل بيرغ علي عنوان
احنه اهل الحجز .. ما نلزم سره
الأول بس علي .. الآخر حيدره
لو ويانه وتبايع بدرها
لو تدفع شمس عن مستقرها
حدد موقفك
ربي اشهد كلامي وحط عليه اكتاب
انا حرب لمن حارب هذاك الباب
ما ساوم على مصابج اظل طلاب
نون حد ما يجي وليدج هذاك الغاب
ويصلبهم غداً كلهم بلايه اعتاب
نجي لگبرج نزور وتلتم الغياب
ونطب للصحن .. روجات ولطم
وهذا آخر حجي .. مو كافي الظلم
لو تنصر كتاب الله المؤيد
لو تكسر ضلع سورة محمد
حدد موقفك
التعلیقات