حكاية موت (مكتوبة) - باسم الكربلائي
منذ يوم٥مشاهده
حكاية موت(مكتوبة)
الرادود: باسم الكربلائي
حكاية موت .. ضوه ابتابوت .. يمهدي
الدمع تسبيح .. الجروح اتصيح .. يمهدي
الضلع مكسور .. الوجه مسطور
يمهدي
حكاية موت الك يالمهدي خل أقره
تحت عنوان اسمها (مقتل الزهرة )
دريت ابضلعي يُمَّه اشسوت العصرة ؟
او بعد بين السطور اتشوف اثر سطرة
بدون احساس .. أمام الناس .. ولوني
حرب وجيوش .. شبه الوحوش .. إجوني
الخجل منحور .. الوجه مسطور
يمهدي
وزن ريشه ابهوه او بالدفعه لو تدري
انشُمَرت اعله الجدار او هَشِّمَوا ظهري
واذا عن ضلعي تسأل كَسرِته او صبري
مثل كسر الزُّجاج او فَكِّر ابكسري
مثل الشراع .. طحت عالكاع .. ابجروحي
بده التصعيد .. ضرب ميهيد .. اويه نوحي
القرط منثور .. الوجه مسطور
يمهدي
تره السوط اليضوك احساسه يتفرهد
وانه اعله امتوني موج اسياط تتعبد
متن من الضرب ظل ينزف ابلا حد
إلى أن صار مِثل الدُّملُجِ الأَسوَد
لئيم الراي .. ظلمني اهواي .. أشوفه
اعله ورد الخير .. حقد صُبّير .. يطوفه
حقد مجمور .. الوجه مسطور
يمهدي
أظم بجروحي لاجن تتضح بِيَّه
لأن حتى النفس ما يدخل الرّيَّة
أحاول أنهض او تِخذِلني رجلَيَّه
الألم من حجمه ظلت ترجف ايدَيَّه
بعد لحظات .. إجت رفسات .. تحزني
ابحقد ميهون .. عبد ملعون .. وكزني
المنية اتدور .. الوجه مسطور
يمهدي
أكابر عالألم بس الألم قاتل
الجروح البيه كثرة والجسم ناحل
تره البسمار اخبرك للعظم واصل
واليألمني جان اويه الجمر داخل
جمر ويفوت .. ابضلع ياقوت .. عجيبة
بلا استفسار .. تره البسمار .. مصيبة
جرح ويفور .. الوجه مسطور
يمهدي
أحاول أمشي خطوه او أعثر ابسرعة
النفس ما ينلزم، بالممشه ما اجمعه
أثر نار اعله خدي يختلف وضعه
بقه يلجمني حتى ابطيحة الدمعة
جمر تكفير .. شراره ايطير .. حركني
يمهدي او جان .. عصف دخان .. خنكني
بجتلي الحور .. الوجه مسطور
يمهدي
عشت عكب الحدث أيام بدموعي
هلال او يمشي جني ابكسرة اضلوعي
إلى أن حيدر اخفه ابحفرة ينبوعي
دفني ابليلة ظلمة او أخمد اشموعي
ابدفنتي اينوح .. جبل مجروح .. عليه
ابحزن يندار .. أسد محتار .. رزية
الصبر مأسور .. الوجه مسطور
يمهدي
التعلیقات