يادنيا شمسوين (مكتوبة) - باسم الكربلائي

يادنيا شمسوين(مكتوبة)

الرادود: باسم الكربلائي

يا دنيه شمسوين .. ليش بحزني تفرحين
ليش امي جوه تراب .. وهي بعمر العشرين
ليش ليش ليش ليش

يدنيه اشگد صدمتيني وعرفتج خاينه الگمره
لون عندج حنان الأم تموتين ابضوه الزهره
يدنيه لو صخر گلبج تفطر چان للعترة
طفل ما كسّر ضلوعج لمن شفت إنكسر ظهره
يا دنيه شفت الصار .. ما غطيتي الآثار
من شفتيهم بالباب .. وياهم جبتي النار
ليش ليش ليش ليش

يدنيه أعتب عليج انتي مجال انطيتي لليكسر
تنزلين الوفي ابجفج تصعدين اليحب يغدر
أخذتي امي وكسرتيني كسر بضلوعي ما يجبر
ولا عندج گلب يرحم عساج بغضب ما يعذر
يا دنيه ما توفين .. وبلا بالزين تنصفين
طشرتينه بكل صوب .. اويه الشمات تفرحين
ليش ليش ليش ليش

يدنيه إنتي اشكثر حلوه بقيتي ابلايه أم ظلمة
ييمه إلمن بعد تنگال ادفنتها ابكملة الـ يمه
يدنيه أصعب جرح يبقى ابملامح كل بشر هظمة
منو ايطيبه الطلع بيده ينزل للگبر أمه
وي أمي كلشي راح .. فرگتها بعيني رماح
ما شافت بس الموت .. ليش الأم ما ترتاح
ليش ليش ليش ليش

إلأم طيبه وإلحْبيبه الصدگ إلها العمر يندار
من أمي الصباح الخير مثل الماي فوگ النار
الدنيه إمي الأمان أمي بدون أمي العمر تذكار
حرمتيني من أعز نسمة وتركتيلي الجرح بسمار
باب الله هاي الباب .. اندفعت بيد الجذاب
ما رديتي الشيطان .. الكاسر ظهر الأحباب
ليش ليش ليش ليش

يدنيه أعتب على جفوفج لأن ما طفن النيران
يدنيه إنتي الخسرتي أمي لأن ما تشبه النسوان
خسرتيها وظلمتيها الحنينه الما ترد جوعان
بعد يا أم گلبها ايصير خبز يم عازة الجيران
رحمه الأم اعله الغير .. ياكل من چفها الطير
من ماتت كلها اتصيح .. وسفة تموت ام الخير
ليش ليش ليش ليش

يريت الموت يرضاها أموت آني ابدال أمي
ولا أشوفن وجهها الخير جوه اتراب مو يمي
يدنيه اشما ظلمتيها أشوفنها ابجفن حلمي
شلون الگاع غطتها وبعدها اتوزع ابدمي
كون الخل گبل الآه .. لو مات تموت وياه
موت ولا فرگة موت .. ولا معلول بفرگاه
ليش ليش ليش ليش

أنا زينب شفت حيدر مسح دمعه بالعمامة
يعين الله لأن ساكت تموت الزهره گدامه
القلع خيبر على الزهره لطم يلطم على الهامة
ثگل چفه وركد حيله يحس الكسر بعظامه
اليصفگ چفه اعله الراح .. ينظر لآثار الطاح
ساكت وعيونه تگول .. شمسوي وليدي وراح
ليش ليش ليش ليش

بكتاب الله فدك إلها ابختم طه وختم حيدر
الملك لله وفدك صارت ورث للزهره تتفسر
إجاها الما يخاف الله يريد ابكيفه يبختر
ابخطبتها الفدكية القيامة بساعة المحشر
تالي بغير إستأذان .. دخلوا جيش الشيطان
واحد واحد بالباب .. كسروا ضلع القرآن
ليش ليش ليش ليش