مسمار المصيبة (مكتوبة) - مرتضى حرب

مسمار المصیبة(مكتوبة)

الرادود: مرتضي حرب

يُما الدمع صار دم بغيابك
وتاكل بالضلوع لوعة مصابك
وبابج يا زهرة بكل گلب مشتعلة ناره
مشتعلة ناره فدوة أروح لك
يا عطر ذيج المحنة الگَراب ومشتاگ اشمّه
يُما مشتاگ لسمارج اللي چانَت معيشِتني نجمة
يا حضن عگبج يلمني ودمعي يا عيني لتفمه
وسط ريح الدنيا كِلها ضايعة بلياج نسمة
بكل مغرب الروح يكبر وجعها
وترسم معانيج عيني بدمعها
وگلبي يولل فرگتك ليلة ونهار
ليلة ونهار يُما
يُما الدمع صار دم بغيابك
وتاكل بالضلوع لوعة مصابك
وبابج يا زهرة بكل گلب مشتعلة ناره
مشتعلة ناره
وعيني يُما أعلا بابج تبكي وتوشل دمعها
وتصغر الدنيا بصافنتي ويكبر بروحي وجعها
يا دمع مشتاگ لأُمي تضمّني يا محنية ضلعها
يا دمع مشتاگ لأُمي تضمّني يا مطبّگة ضلعها
يُما زينب وردة چانَت ومِن جَل فرگاج گطعها
مِن جَل فرگاج گطعها
يُما الجرح صار بنص روحي ديرة
وتريد الأحباب جروح چبيرة
يُما الجرح صار بنص روحي ديرة
وتريد الأحباب جروح چبيرة
وآنه أدري بجروح الفگد ما إلها چارة
ما إلها چارة يُما
وبابج يا زهرة بكل گلب مشتعلة ناره
مشتعلة ناره
جروحي بفراگج چبيرة وما قِبَل يبطل نزفها
ومِن يعثّرني زماني ماكو أُم يمدلي چفها
جروحي بفراگج چبيرة وما قِبَل يبطل نزفها
ومِن يعثّرني زماني ماكو أُم يمدلي چفها
البنت إذا ينضگ گلبها بس گلب أمها يعرفها
أمها تحضنها بمحنة وبعبايتها تلفها
يا يُما الفراگ هادم لي حيلي
يا يُما الفراگ هادم لي حيلي
ومخلّوف الموت لچ مِبدليلي
وزرعج يا زهرة بموتج ذب الخضار
ذب الخضار يُما
ضاگ عافيتي زماني وآيه بسمار المصيبة
ضاگ عافيتي زماني وآيه بسمار المصيبة
دفعة الدنيا أعلا روحي بدفعة الباب العجيبة
وللبنية بلايا أمها تعيش مهضومة وغريبة
تبكي وآنه أدري تشوّف
دمعة الطاهر حليمة
دمعة الطاهر حليمة
عل دافع الباب أدعي بدمعتي
ورب السماوات يسمع حسرتي
عل دافع الباب أدعي بدمعتي
ورب السماوات يسمع حسرتي
ورب العرش كسرة الضلع ياخذ لي ثاره
ياخذ لي ثاره يُما
من بعد دفنج يا يُما گعدنا وسط البيت گعدة
من بعد دفنج يا زهرة گعدنا وسط البيت گعدة
وعين أبوي الحمرة صارَت منتهي الحيل تهدّه
أسمع يگُلج يا زهرة جارح فرگج بيش أشِدّه
أسمع يگُلج يا زهرة جارح فرگج بيش أشِدّه
يا أم حسن فارغ مكانج دنيا عگبج ما تسدّه
يا أم حسن فارغ مكانج دنيا عگبج ما تسدّه
يحضنّا ويصيح وين المحنّة
يحضنّا ويصيح وين المحنّة
ويگُل للتراب فرّگ شملنا
ويگُل للتراب فرّگ شملنا
غَرب بعد لا ما يرُد حُضن الطاهرة
حُضن الطاهرة يُما"