ملف صوتی اجيبوني بصوت علي الساعدي

الجيبوني(مكتوبة)

الرادود:علي الساعدي

موتي يا روحي موتي
واستشهدوا اخوتي
وانصاري كلها ماتت
اولادي فارقتهم
وبدمعي عاتبتهم
وروحي بحزنها صاحت

اجيبوني اجيبوني
انادي انادي انادي
لكم يهفو دما يجري
فؤادي فؤادي فؤادي

ابدي الحچي بسلامي ما ظل هوا بخيامي
رحتوا نسمة نسمة
بيدي الظهر لزمته حتى الطفل فقدته
ورايد انعى يمه
يا وليدي وجهك مو وجه موت بويا الولد بويا الولد
ماكو على قدك يبني تابوت بويا الولد بويا الولد
بالقوة بعدك يطلع الصوت بويا الولد بويا الولد
بعدك ولا نرجع للبيوت بويا الولد بويا الولد

دمعة بخدي فارقت ولدي
يا علي الاكبر بقيت بكربلا لوحدي
عمي يا جاسم لا تظل نايم
فرقتك تشبه وداع جدتك فاطم
لو سمعتوني لا تعوفوني
حاير بهمي
من يناصرني الكل تعذر لي
وانطلب دمي
منهو باللي يقدم لي جوادي جوادي

اجيبوني اجيبوني انادي انادي انادي
لكم يهفو دما يجري فؤادي فؤادي فؤادي

مات الاخ بيديه واللي فقد خيه
قوة يمشي قوة
كل يولي ان وقتي من فارقت شمعتي
چنا اجمل خوة
اللي يفقد اخو ما يقدر يعيش راح الاخ راح الاخ
لا احد يقل لي صوابك بريش راح الاخ راح الاخ
وحدي بقيت من انسأل ليش راح الاخ راح الاخ
سودة على فرقاك الدشاديش راح الاخ راح الاخ

يا قمر وينك ضايع حسينك
يا بعد عيني يا خوي صوبوا عينك
للخيم ارجع بي لا تقطع
والشمر بعدك يريد بصدري يتربع
شيبت راسي يا اعز ناسي
يا بعد قلبي
خوية جرحك ايش كبره راحت العشرة
تيهت دربي
يا بو فاضل انا بكامل حدادي حدادي

اجيبوني اجيبوني انادي انادي انادي
لكم يهفو دما يجري فؤادي فؤادي فؤادي

الصاحب اخو احسبه ومن القلب احبه
چنتوا اهل وازيد
يصعب علي فقدكم كون الدمع يردكم
بدمعي ابني مرقد
يا موت كافي عوف الاصحاب قلب انمرد قلب انمرد
خوتنا وسفة يضمها لتراب قلب انمرد قلب انمرد
غياب ربعي كلها غياب قلب انمرد قلب انمرد
وين اللي يضحون بالرقاب قلب انمرد قلب انمرد

ويلي ما نشف دمعي ضيعت ربعي
فارقت صحبان كلهم وانكسر ضلعي
مرة فرقتكم حلوة لمتكم
اني اشهد يا الحبايب خوة خوتكم
من احشمكم ينتفض دمكم
والجثث ترجف
صحت وادعنا ربنا يجمعنا
والزمن موقف
يذبحوني يذبحوني الاعادي الاعادي

اجيبوني اجيبوني
انادي انادي انادي
لكم يهفو دما يجري
فؤادي فؤادي فؤادي