ملف صوتی راية عباس بصوت علي الساعدي

راية عباس(مكتوبة)

الرادود:علي الساعدي

 

راية عباس مرفوعة
مرفوعة

راية عباس مرفوعة
وراها چفوف مقطوعة
من الطف للمنتظر
شاهد صارت عالقدر
والثار الثار

راية كل من يعتني بيها تنطره ويا كل بشر
المختنق واللي عنده حاجة واللي بالدنيا انكسر
يلگى اثرها عميق
شاهدة على الايام الطويلة وشاهدة بكل العمر
تبتدي من الطفولة بيها يتغطى القبر
يعني ظلها طريق

تحبها الناس من موقف راعيها
تلقى احساس عطر المجلس بيها
من عباس قصة شگد نرويها من عباس

عباس الكافل علاها
وتصلي النسمة بملگاها
هالحب يعجب لازم بالموكب
لازم بالموكب تلگاها

راية عباس مرفوعة
وراها چفوف مقطوعة
من الطف للمنتظر
شاهد صارت عالقدر
والثار الثار

أمي من يمرض ولدها ما تحس بأي خطر
عندها من اخر زيارة راية من صحن القمر
هيچي بيها امان
وادم تحب البساطة وعندها هذا الحب طبع
حرز البيوت القديمة للستر من ترتفع
ما يحدها زمان

نذر جدات فطرة وادم فقرة
گدت رايات يم تنور الزهرة
بچي وعزيات چنه بنص الحضرة بچي وعزيات

من تگضي الحاجة نحييها
من نلطم نتحزم بيها
كل خير تجمعه وتضم الدمعة
وتضم الدمعة النبچيها

راية عباس مرفوعة
وراها چفوف مقطوعة
من الطف للمنتظر
شاهد صارت عالقدر
والثار الثار

مو حرير الله جعلها حياكة بخيوط الضوا
ترف على الناس بسلام تنطي لاهل الحب هوا
بي عطر سبعين
الراية بوابة محرم للحزن اول اثر
تبقى مرفوعة بچفوف العاشگ لاخر صفر
لاربعين حسين

درب زوار وي كل زاير راية
هلا بالخطّار تسمع منها حكاية
مثل جمار ابيض لون الراية مثل جمار

من يوم العاشر مفقودة
وهسه بكل شارع موجودة
والفوك المرقد بالحاجات اشگد
بالحاجات اشگد معقودة

راية عباس مرفوعة
وراها چفوف مقطوعة
من الطف للمنتظر
شاهد صارت عالقدر
والثار الثار

اللون الاحمر يعني ثورة من نحر ظامي ابتدت
وبأيادي الشيعة كلها من الكفيل تحولت
راية الثوار
كم اثر دم باقي بيها باصم بدم النحر
كم شهيد وكم عمامة توجت هذا الفخر
انهم احرار

نزف يبدي من الراية الحمرة
على العهد يبقى شعار الثورة
الى المهدي بالدم نعلن نصرة الى المهدي

ما نخضع للباطل ساعة
شعب حسين وهاي طباعه
نستذكر عالم منطين وخادم
منطين وخادم واتباعه

راية عباس مرفوعة
وراها چفوف مقطوعة
من الطف للمنتظر
شاهد صارت عالقدر
والثار الثار