ملف صوتی إن شاء الله بصوت باسم الكربلائي

إن شاء الله(مكتوبة)

الرادود:باسم الكربلائي

أويلي أويلي حنيت من وحشة مساهم
وبلا وعي أركض وراهم
ما اشوف لو أظلم سماهم
خافت عمت خافت عمت عمت عيوني بجفاهم
إن شاء الله

إن شاء الله ما تعمى عيني حتى اشوف عيونكم
إن شاء الله وبكل مسية نقعد واقول شلونكم
إن شاء الله ما تعمى عيني حتى اشوف عيونكم
إن شاء الله وبكل مسية نقعد واقول شلونكم
إن شاء الله

آني أم الأربعة بدمعي إلهن
دوم أقول إن شاء الله كلشي يسهل
من بعد هالفرقة يلتم الشمل
والمهم وليدي يرجع لي عدل
يومي يا ليل الملقى استعجل
وانثر على السچة ورد
باچر تضوي عيوني
ما عودوني على البعد
أحوالكم نفس الملامح
لو تغير لونكم
أحوالكم فدوتكم آني
ولا عشت من دونكم إن شاء الله

گلي من يمت يا بو وجه السمح
تجفي لا أنت ولا طيفك يصح
أنت زين إن شاء الله وما منجرح
هالسما يخالف جرح بس مو ذبح
لا مو بريد چفي يرجع
من الهجر جسمي ضعف
من وگفتي جدمي نزف
ما رد خبركم يا وسف
أخباركم ضاعت عليه
وخايفة يغدرونكم
أخباركم خير ومسرة
وبلكتي يوافونكم إن شاء الله

بالسلامة إن شاء الله ماكو ألم
سالم حسيني وسلامتها الخيم
ما يطيح إن شاء الله چف ويه العلم
وبسلامة الجود من طاري السهم
أبچي ويسولف لي القلب
ويگلي عينچ عالدرب
يم القمر ما ظل سحب
باچر يجون من الغرب
وبجاهكم مو عالرمال
الوادم يشوفونكم
وبجاهكم فوق الأصايل
حتى يتلگّونكم إن شاء الله

أدعي سلمهم يا إلهي من الخطر
لا سهم يوصل ولا رمية حجر
ما ريد يتعلم شراع كسرة ظهر
والأخو وبعد الأخو يكته القهر
لا أب يفارگ له ابن
لا والدة تشيب حزن
لا أسمع بثكلة توِن
ويلاه يا دهري الما يحن
شيجيبكم هاي المشية
ما ترف بچفونكم
شيجيبكم يبعدهم الله
الرادوا يبعدونكم إن شاء الله

من يعود وليدي وافرح بالخبر
حتى أگولن الله لا رد السهر
بيا بوسة خنصر يوبو ستنحر
بيا طيحة ظامي انجار النهر
خلي يريد لو بس نفس
ما ساحگ بعظمه فرس
وبصدره ما واحد رفس
ولسانه مو خشبة ويبس
وادعي لكم يا حبابي خوف
ما راوَى عطشكم
وادعي لكم ماكو ظليمة
ولا سهل نيمونكم إن شاء الله

بالطريق إن شاء الله زينب لفت
مو على الهزلة بحمايتكم إجت
للسبي اسم الله عليها ما مشت
لا حبل بچفوفها ولا شيبت
ما طلعت ببين الزلم
لا سمعت صياح وشتم
والعندها كافل تنحشم
مرتاحة ترجع للمهم
وبجاهكم ترجع أميرة
وچفها فوق متونكم
وبجاهكم ما حد يشوف
خيالها عَمونكم إن شاء الله

إن شاء الله ما تعمى عيني حتى اشوف عيونكم
إن شاء الله وبكل مسية نقعد واقول شلونكم
إن شاء الله ما تعمى عيني حتى اشوف عيونكم
إن شاء الله وبكل مسية نقعد واقول شلونكم
إن شاء الله