ملف صوتی أول ظلامة بصوت السيد عصام الهاشمي
منذ شهرين
١٠٧
ملف صوتی أول ظلامة بصوت السيد عصام الهاشمي
أول ظلامة(مكتوبة)
الرادود:السيد عصام الهاشمي
ودرت عين يا عباس حنيت
على زينب وعهدك بالوصية
راح يجيب الماي إلي طاح ابن حيدر علي
والعلم والعلم بزَنوده ضمه والعلم بزَنوده ضمه
يا بو فاضل على عمري هويتك
نسيت جروح گلبي وما نسيتك
دورت بعشق روحي ولگيتك
وسميتك الوفي وحامي الظعينة
چفيناك چفيات البلية
يا راعي المرجلة بيوم الثنية
يمن بيده العجايب مستوية
وطلاب الطلايب معتنينه
يسمونك من العبسات عباس
من طبع الوفي وفي الباس
ولو تنشر حلاتك حلية الناس
كلمن ينظر الگمرة بجبينه
يا عمد بيت الهواشم يالعلم هب عهدتك
چيف خليت الوديعة ورتميت بغربتك
وأمك المحمل الحرة على الدنيا جابتك
شلون يا عباس ما وفيت عهد لربتك
طايح بجنب الشريعة وضيعني بطيحتك
من تهيأ لي طلعتي گال گومي وأنا اللطيم شيعت
چاني ينزل نزلك يا خيال تبرا الحرم وتباري لعيال
ما ظنتي برجعتك الشيل حسرة يجروني بالحبال
وتمرمريت خويا بالأطفال ضرب وعطش والجياع تكال
خويا ميل محملي لوعوني وگوم لي
متني متني ضرب السوط آذاه ضرب السوط آذاه
راح يجيب الماي إلي طاح ابن حيدر علي
والعلم والعلم بزَنوده ضمه والعلم بزَنوده ضمه
يا ريت الماي متنا ولا طلبناه
ولا تدرولينا ولا شربناه
ولا منه طيف الظامي سگيناه
شربنا هموم عباس ويمينه
شربنا غصة مرة عن الماي
شربنا دموم چفيناك يا سگاي
ضيم الليمو ضوضيمِن على الجاي
وگع حملي ولا تروت سكينة
توجر بالگلب صيحة يتاماي
إذا صاحت يا عمة تطفي بالماي
سكينة تصيح لو يحصل على هواي
لعمي نروح ونداوي جبينه
وانشدك يا عمي گلي وين طاحت رايتك
ووين چفك يا گمرنا ما أشوفه بجثتك
شوف يا عمي مصابي لو عميت برميتك
گلي عن حالك يا عمي يوم شگوا گربتك
وإنت تتذكر عطشنا شلون صارت حالتك
ما ظنتي يطبّر الراس لو عندك چفوفك يا عباس
بس البطل من غير الإيدين ما يفيد عزمه وشدة الباس
مثلك وفي ما شافت الناس ولا حلاتك غصن الألماس
ويوم انتعطش طفل الحسين إنت سگيته بهامتك كاس
ما إله غيرك ولي حضن زينب يغتلي
بالظما بالظما مفتت أحشاه بالظما ومفتت أحشاه
راح يجيب الماي إلي طاح ابن حيدر علي
والعلم والعلم بزَنوده ضمه والعلم بزَنوده ضمه
يا ساگي الماي من گدك مقامه
وإلك توگف الزهرة بالقيامة
وچفك ترفعه أول ظلامة
وعين المحشر بچفك ربية
ومن هذا تصيح معجبة الناس
ليش چفوف وين الجثة والراس
ويجيها الصوت هذا البطل عباس
وراسه والجسد بالعالگمية
هذا الانگطع چفه على الجود
وهذا حامل الراية بالزنود
وهذا الانفضخ راسه بالعمود
يسمونه الوفي وابن الوفية
هذا ابن حيدر أمير الكائنات الفاضلة
هذا ما مثله نهرب في الزود يوم المرجلة
هذا تعرف من وگع جنب الفرات بكربلا
گام أبو السجاد يركض مني انكسر ظهره إله
هذا زينب من سبوها چان جثة مجدلة
وعنه غصب ضعن السبي شال كلها حرم من فوق هزال
ومن شافته زينب بلا إيدين طبت تشيله وتشتكي الحال
يمناك وينه ووين الشمال چف البدر وبراسك هلال
وإنت اللي شلت الضيم يا زين واليوم أنا شالوا بيا رجال
لو تركت الموت إلي بالعمد يا كافلي
والله عن والله عن هالحال محلاه والله عن هالحال محلاه
راح يجيب الماي إلي طاح ابن حيدر علي
والعلم والعلم بزَنوده ضمه والعلم بزَنوده ضمه
